ہاتھ میں جام پاؤں میں زنجیر
باقی صدیقی
کس نے کھینچی حیات کی تصویر
ہاتھ میں جام پاؤں میں زنجیر
بات کرتا ہے ہنس کے جب صیاد
بھول جاتے ہیں اپنی بات اسیر
ائے یہ راستے کے ہنگامے
اک تماشا سا بن گئے رہگیر
دیکھنا طرز پرسشِ احوال
بات کی بات اور تیر کا تیر
اتنے باریک تھے نقوش حیات
بنتے بنتے بگڑ گئی تصویر
وہ زمانیکی چال تھی باقیؔ
ہم سمجھتے رہے جسے تقدیر
فاعِلاتن مفاعِلن فِعْلن
خفیف مسدس مخبون محذوف مقطوع