مرزا غالب

تم سے بے جا ہے مجھے اپنی تباہی کا گلہ
اس میں کچھ شائبۂِ خوبیِ تقدیر بھی تھا

امام بخش ناسخ

یوں مجھے آپ سے اب کرتی ہے تقدیر جدا
جس طرح جنگ میں ہو قبضے سے شمشیر جدا
تا گنہ گاری میں ہم کو کوئی مطعوں نہ کرے
ہاتھ میں نامۂِ تقدیر لیے پھرتے ہیں

بہادر شاہ ظفر

آتا بھی اگر ہے تو وہ پھر جائے ہے الٹا
جس وقت الٹ جائے ہے تقدیر کسی کی

شیخ ابراہیم ذوق

عجب حسرت کا عالم تھا کہ مجنوں کہتا تھا پیہم
چھٹے پہلو مرے محمل کا یا تقدیر پہلو سے

مرزا رفیع سودا

تجھ عشق کے مریض کی تدبیر شرط ہے
لیکن شفا کو گردشِ تقدیر شرط ہے

یگانہ چنگیزی

بیٹھا ہوں پاؤں توڑ کے تدبیر دیکھنا
منزل قدم سے لپٹی ہے تقدیر دیکھنا
پروانے کر چکے تھے سرانجام خودکشی
فانوس آڑے آ گیا تقدیر دیکھنا
شاید خدانخواستہ آنکھیں دغا کریں
اچھا نہیں نوشتۂ تقدیر دیکھنا
بادِ مراد چل چکی لنگر اٹھاؤ یاسؔ
پھر آگے بڑھ کے خوبیِ تقدیر دیکھنا
عالمِ اسباب سے کیا فیض ناکامی ملا
راہ پر لا کر مجھے بھٹکا دیا تقدیر نے
جان دے کر ایک حکم آخری مانا تو کیا
لکھ دیا جب سرکشوں میں کاتبِ تقدیر نے
کس سادگی سے مجرموں نے سر جھکا لیا
محجوب کیوں وہ مالکِ تقدیر ہو نہ جائے

باقی صدیقی

وہ زمانیکی چال تھی باقیؔ
ہم سمجھتے رہے جسے تقدیر

عبدالحمید عدم

ابھی تدبر‌ و تدبیر کا نہیں موقع
ابھی حمایت تقدیر کر رہا ہوں میں

قمر جلالوی

ایک جا رہنا نہیں لکھا میری تقدیر میں
آج گر صحرا میں ہوں کل خانۂ زنجیر میں
اقربا نا خوش وہ بزمِ دشمن بے پیر میں
موت ہی لکھی ہی کیا بیمار کی تقدیر میں
لٹا ہے کارواں جب آ چکی ہے سامنے منزل
کہاں ٹوٹیں امیدیں اور کہاں تقدیر بگڑی ہے

عرفان صدیقی

پھر لوح پہ لٹنے والے خزانے لکھے گئے
مجھے اب کے برس بھی دولتِ جاں تقدیر ہوئی

مجید امجد

جاؤداں قدر وں کی شمعیں بجھ گئیں تو جل اٹھی تقدیرِ دل
اب تو اس مٹی کے ہر ذی روح ذرے میں بھی ہے تصویرِ دل

سیماب اکبر آبادی

خیال حشر و نشر فکر اے سیمابؔ لا حاصل
کہ ہے تقدیر میں جو کچھ بہر تقدیر دیکھیں گے

شان الحق حقی

دم ہمارا تو رہا حلقۂ لب ہی میں اسیر
بوئے گل یہ تری تقدیر کہاں سے آئی

شکیل بدایونی

آج پھر گردشِ تقدیر پہ رونا آیا
دل کی بگڑی ہوئی تصویر پہ رونا آیا
دل گنوا کر بھی محبت کے مزے مل نہ سکے
اپنی کھوئی ہوئی تقدیر پہ رونا آیا
ہم سفر چھوڑ گئے مجھ کو تو کیا
ساتھ میرے مری تقدیر تو ہے

فانی بدایونی

کام اب اس تدبیر پر ہے منحصر
واسطہ جس کو نہ ہو تقدیر سے
کہتے کہتے مرا افسانہ گلہ ہوتا ہے
دیکھتے دیکھتے تقدیر بدل جاتی ہے

اختر ہوشیارپوری

زائچہ اپنا جو دیکھا ہے تو سر یاد آیا
جیسے ان ہاتھوں پہ کندہ کوئی تقدیر بھی ہے

احمد فراز

کیسے پایا تھا تجھے پھر کس طرح کھویا تجھے
مجھ سا منکر بھی تو قائل ہو گیا تقدیر کا
بنائے دل ہے کسی خوابگاہ زلزلہ پر
سو اپنی آنکھوں سے تقدیر گھر کی دیکھتے ہیں

قتیل شفائی

مہرباں ہم پہ جو تقدیر ہماری ہو گی
آپ کی زلفِ گرہ گیر ہماری ہو گی