امام بخش ناسخ

ایک ہم ہیں کہ قدم رکھ نہیں سکتے ورنہ
اینڈتے پھرتے ہیں اغیار ترے کوچے میں
یاروں کی ہم سے دل شکنی ہو سکے کہاں
یاں پاس ہے نہ خاطر اغیار توڑیے

انشاء اللہ خان انشا

امرد ہوئے ہیں تیرے خریدار چار پانچ
دے ایسے اور حق مجھے اغیار چار پانچ

داغ دہلوی

خوبیاں کل تو بیاں ہوتی تھیں
آج ہے شکوۂِ اغیار یہ کیا
اٹھاؤ آنکھ نہ شرماؤ یہ تو محفل ہے
غضب سے جانب اغیار دیکھتے جاؤ

مصحفی غلام ہمدانی

ڈھب پاؤں تو میں اس سے کہوں حالِ دل اپنا
اس بت کو تو گھیرے ہوئے اغیار کھڑے ہیں

مصطفٰی خان شیفتہ

کیا اٹھ گیا ہے دیدۂِ اغیار سے حجاب
ٹپکا پڑے ہے کیوں نگہِ یار سے حجاب
واہ اے طالعِ خفتہ کہ شبِ عیش میں بھی
وہم بے خوابی اغیار نے سونے نہ دیا
یہ بھی کچھ بات ہے میں اور کروں غیر سے بات
تم نہ مانو کہ یہ اغیار کی افواہیں ہیں

مومن خان مومن

کرتا ہے قتلِ عام وہ اغیار کے لیے
دس بیس روز مرتے ہیں دو چار کے لیے
کیا دل دیا تھا اس لیے میں نے تمہیں کہ تم
ہو جاؤ یوں عدو مرے اغیار کے لیے
رازِ نہاں زبان اغیار تک نہ پہنچا
کیا ایک بھی ہمارا خط یار تک نہ پہنچا

مرزا رفیع سودا

سوداؔ موافقت کا سبب جانتا ہے یار
سمجھے مخالف اس کو کچھ اغیار کچھ کہو
تو مست شب اندھیری اور اغیار ساتھ ہے
جو دل میں آوے کہہ یہ گنہ گار ساتھ ہے

خواجہ میر درد

باغ جہاں کے گل ہیں یا خار ہیں تو ہم ہیں
گر یار ہیں تو ہم ہیں اغیار ہیں تو ہم ہیں

قمر جلالوی

آج کے دن صاف ہو جاتا ہے دل اغیار کا
آؤ مل لو عید یہ موقع نہیں تکرار کا

عرفان صدیقی

کسے یہ فکر کہ کیا ہے نوشتۂ تقدیر
یہاں نوشتۂ اغیار سے معاملہ ہے

الطاف حسین حالی

ہماری آہ بے تاثیر کا حال
کچھ اپنے دل سے کچھ اغیار سے پوچھ

اختر شیرانی

ان کو الفت ہی سہی اغیار سے
ہم سے کیوں اغیار کی باتیں کریں

زہرا نگاہ

اب تک شریکِ محفلِ اغیار کون ہے
ہم بے وفا ہوئے تو خطاوار کون ہے
کیوں بدلے ہوئے ہیں نگۂ ناز کے انداز
اپنوں پہ بھی اٹھ جاتی ہے اغیار کے ہوتے

سیف الدین سیف

مرے ہوتے دل مشتاق ستم کے ہوتے
یار منت کش اغیار نظر آنے لگے

شبلی نعمانی

یار کو رغبت اغیار نہ ہونے پائے
گلِ تر کو ہوس خار نہ ہونے پائے

شکیل بدایونی

مجمع احباب و ارباب وفا
مجمع اغیار ہے تیرے بغیر

احمد فراز

تاکہ طعنہ نہ ملے ہم کو تنک ظرفی کا
ہم قدح سامنے اغیار کے رکھ دیتے ہیں

شاذ تمکنت

پھر سزاوار ہے تجھ کو مرے ہر عیب سے پیار
پہلے تو میرا ہنر دیدۂ اغیار سے دیکھ

فراق گورکھپوری

حسن کافر سے کسی کی نہ گئی پیش فراقؔ
شکوہ یاروں کا نہ شکرانۂ اغیار چلا

محسن نقوی

دیکھے جاتے نہ تھے آنسو مرے جس سے محسنؔ
آج ہنستے ہوئے دیکھا اسے اغیار کے بیچ