امام بخش ناسخ

آتے ہی اس طفل کے روشن سیہ خانہ ہوا
شمع ساں جلوہ ہے اس کے قامت کوتاہ کا

حیدر علی آتش

لاش بھی گلیوں میں کھنچوا کر کیا ہے قتل یار
طول ہی دینا مزا ہے قصۂِ کوتاہ کا
شام وصل آئی ادھر موجود تھی صبح فراق
کم گھڑی سے بھی پہر ہیں اس شب کوتاہ کے
زلف رسا کو سمجھا جو افعی
چوکا وہ قصر کوتاہ بھولا

مرزا رفیع سودا

عجائب شغل میں تھے رات تم اے شیخ رحمت ہے
میں اس ریش بلند اور دامن کوتاہ کے صدقے

عرفان صدیقی

دنیا نے تو آغوشِ ہوس کی تھی کشادہ
کچھ میں ہی نہ اس حلقۂ کوتاہ میں آیا