انشاء اللہ خان انشا

کیوں کہ میں جیسے کو تیسا ہی نہ پھر آؤں نظر
یعنی کیا معنی نہ ہو آئینہ پن آئینے میں

حیدر علی آتش

کیوں نہ بے ساختہ بندے ہوں دل و جاں سے نثار
قدرت اللہ کی بے ساختہ پن ہے کس کا
پسے دل اس کی چتون پر ہزاروں
موے بے ساختہ پن پر ہزاروں
گردش چشمِ غزالاں گردش ساغر ہے یاں
خوش رہیں اہل وطن دیوانہ پن میں مست ہے

شیخ ابراہیم ذوق

پھرتا لیے چمن میں ہے دیوانہ پن مجھے
زنجیرِ پا ہے موجِ نسیمِ چمن مجھے

مصحفی غلام ہمدانی

یار دھرماتما کا پیار کے ساتھ
بوسہ دینا بھی مجھ کو پن سا لگا
جب دل سوختہ پہ زخم مژہ
نظر آیا وہ صاف پن سا لگا

فیض احمد فیض

نہیں رہی اب جنوں کی زنجیر پر وہ پہلی اجارہ داری
گرفت کرتے ہیں کرنے والے خرد پہ دیوانہ پن سے پہلے

سراج الدین ظفر

میرے غرورِ عشق میں بے گانگی سہی
لیکن تری نگاہ کا بیگانہ پن کہاں

عرفان صدیقی

ہم بڑے اہلِ خرد بنتے تھے یہ کیا ہو گیا
عقل کا ہر مشورہ دیوانہ پن لگنے لگا
احوال ترا شامِ بدن میں بھی وہی ہے
باطن کی چمک سانولے پن میں بھی وہی ہے

مجید امجد

اے شاطرِ ازل ترے ہاتھوں کو چوم لوں
قرعے میں میرے نام جو دیوانہ پن پڑے

مصطفی زیدی

غمِ دوراں نے بھی سیکھے غمِ جاناں کے چلن
وہی سوچی ہوئی چالیں وہی بے ساختہ پن

رئیس فروغؔ

آگ نہا کے چمکی تھی
بھول ہوئی پاگل پن میں

احسان دانش

ترا علاج شفا گاہ عصرِ نو میں نہیں
خرد کے گھاؤ تو دیوانہ پن چھپائے گا

علی سردار جعفری

کتنی آشاؤں کی لاشیں سوکھیں دل کے آنگن میں
کتنے سورج ڈوب گئے ہیں چہروں کے پیلے پن میں