انشاء اللہ خان انشا

دیوار پھاندنے میں دیکھوگے کام میرا
جب دھم سے آ کہوں گا صاحب سلام میرا
ضعف آتا ہے دل کو تھام تو لو
بولیو مت بھلا سلام تو لو
مجھے چھیڑنے کو ساقی نے دیا جو جام الٹا
تو کیا بہک کے میں نے اسے اک سلام الٹا
نہیں اب جو دیتے بوسہ تو سلام کیوں لیا تھا
مجھے آپ پھیر دیجے وہ مرا سلام الٹا
بلائیں کالی ہیں اس پری بن یہ تیسوں راتیں کچھ ایسی انشاؔ
کہ ہر مہینے کے دن بھی جن کو کرے ہیں جھک کر سلام تیسوں
ترک کر اپنے ننگ و نام کو ہم
جاتے ہیں واں فقط سلام کو ہم

داغ دہلوی

ان سے ہوتا ہے سامنا جس دن
دور ہی سے سلام ہوتا ہے
تمہارے خط میں نیا اک سلام کس کا تھا
نہ تھا رقیب تو آخر وہ نام کس کا تھا

شیخ ابراہیم ذوق

جھکائے ہے سرِ تسلیم ماہِ نو پر وہ
غرورِ حسن سے کس کا سلام لیتے ہیں

مومن خان مومن

لکھو سلام غیر کے خط میں غلام کو
بندے کا بس سلام ہے ایسے سلام کو
بندگی کام آ رہی آخر
میں نہ کہتا تھا کیوں سلام مرا

فیض احمد فیض

جو کچھ بھی بن نہ پڑا، فیض لٹ کے یاروں سے
تو رہزنوں سے دعا و سلام ہوتی رہی

جون ایلیا

اس کی نگاہ اٹھ گئی اور میں اٹھ کے رہ گیا
میری نگاہ جھک گئی اور سلام ہو گیا
ہے وہ بے چارگی کا حال کہ ہم
ہر کسی کو سلام کر رہے ہیں

جگر مراد آبادی

اللٰہ اللٰہ نفس کی آمد و شد
اس پیام و سلام نے مارا

عرفان صدیقی

بھرا ہے اشکِ ندامت سے جام پانی کا
قبول تشنہ دلاں ہو سلام پانی کا

مجید امجد

اک نویدِ نگاہ، پیکِ حبیب
اک جوابِ سلام، موجِ صبا

اسرار الحق مجاز

اللٰہ اللٰہ یہ نازِ حسن مجازؔ
انتظار سلام ہوتا ہے

بشیر بدر

کہاں اب دعاؤں کی برکتیں وہ نصیحتیں وہ ہدایتیں
یہ مطالبوں کا خلوص ہے یہ ضرورتوں کا سلام ہے
مہکتی زلفوں سے خوشبو چمکتی آنکھ سے دھوپ
شبوں سے جام سحر کا سلام لینا ہے

علی سردار جعفری

ستاروں کے پیام آئے بہاروں کے سلام آئے
ہزاروں نامہ ہائے شوق اہلِ دل کے کام آئے

ثروت حسین

میں جو گزرا سلام کرنے لگا
پیڑ مجھ سے کلام کرنے لگا

حسرت موہانی

وہ دور ہی سے ہمیں دیکھ لیں یہی ہے بہت
مگر قبول ہمارا سلام ہو جائے

حفیظ ہوشیارپوری

اب کوئی آرزو نہیں ذوق پیام کے سوا
اب کوئی جستجو نہیں شوق سلام کے سوا

شکیل بدایونی

یہ ادائے بے نیازی تجھے بے وفا مبارک
مگر ایسی بے رخی کیا کہ سلام تک نہ پہنچے
جیتے جی قدر میری کسی نے نہ کی زندگی بھی مری بے وفا ہو گئی
دنیا والو مبارک یہ دنیا تمہیں کر چلے ہم سلام آخری آخری
تم نے یہ کیا ستم کیا ضبط سے کام لے لیا
ترکِ وفا کے بعد بھی میرا سلام لے لیا

عزیز حامد مدنی

خدا تجھے عافیت کی آبادیوں میں نورس صفیر رکھے
ادھر کے دیوار و در سلامت مری طرف سے سلام کہنا

شاذ تمکنت

وہ میں نہیں تھا کہ اک حرف بھی نہ کہہ پایا
وہ بے بسی تھی کہ جس نے ترا سلام لیا

قابل اجمیری

مجھی پہ اتنی توجہ مجھی سے اتنا گریز
مرے سلام سے پہلے مرے سلام کے بعد

قتیل شفائی

ہم نہ چاہیں تو کبھی شام کے سائے نہ ڈھلیں
ہم تڑپتے ہیں تو صبحوں کے سلام آتے ہیں

کلیم عاجز

وہ صنم بگڑ کے مجھ سے مرا کیا بگاڑ لے گا
کبھی راز کھول دوں میں تو سلام تک نہ پہنچے
تمہیں یاد ہی نہ آؤں یہ ہے اور بات ورنہ
میں نہیں ہوں دور اتنا کہ سلام تک نہ پہنچے
نہ جانے روٹھ کے بیٹھا ہے دل کا چین کہاں
ملے تو اس کو ہمارا کوئی سلام کہے

مجروح سلطان پوری

مری نگاہ میں ہے ارض ماسکو مجروحؔ
وہ سرزمیں کہ ستارے جسے سلام کریں
مری نگاہ میں ہے ارض ماسکو مجروحؔ
وہ سرزمیں کہ ستارے جسے سلام کریں