انشاء اللہ خان انشا

سرگشتگی مرحلۂِ شوق میں اے عشق
پڑتا ہے نئی وضع سے ہر گام ہمارا
بڑھوں اس گلی سے کیوں کر کہ وہاں تو میرے دل کو
کوئی کھینچتا ہے ایسا کہ پڑے ہے گام الٹا

حیدر علی آتش

پاؤں پکڑے ہیں زمیں نے یہ ترے کوچہ کی
رہ صد سالہ سمجھتے ہیں اب اک گام کو ہم

باقی صدیقی

ہر ایک معرکے میں رہا گرچہ پیش پیش
لیکن کہیں چلی نہ دل تیز گام کی

جگر مراد آبادی

کیوں کیا رہا جو مقابلہ خطرات گام بہ گام سے
سرِ بام عشق تمام تک رہ شوق نیم تمام سے
لرزش دستِ شوق آہ نہ پوچھ
لغزش نیم گام نے مارا

عبدالحمید عدم

اے قافلۂ ہوش گنوا وقت نہ اپنا
پڑتا نہیں کچھ ٹھیک ابھی گام ہمارا
زندگی کا سفر ہی ایسا ہے
دم بدم گام گام پیتا ہوں

قمر جلالوی

رہبروں کی کشمکش میں ہے ہمارا قافلہ
منزلوں سے بڑھ گئے ہیں فاصلے دو گام کے

مجید امجد

قاصدِ مست گام، موجِ صبا
کوئی رمزِ خرام، موجِ صبا

آنس معین

ہم اپنے ساتھ لئے پھر رہے ہیں پچھتاوا
خیال لوٹ کے جانے کا گام گام ہوا

سدرشن فاکر

راہِ وفا میں ہم کو خوشی کی تلاش تھی
دو گام ہی چلے تھے کہ ہر گام رو پڑے

جوش ملیح آبادی

صفات و ذات کے ایوان روح پرور تک
سبو سے فاصلۂ نیم گام ہے ساقی

سیف الدین سیف

پل میں منزل پہ اڑا لائے فنا کے جھونکے
لطف رہ رہ کے بہر گام تو لینے دیتے

شاد عظیم آبادی

تامنزل جاناں ساتھ رہا کم بخت تصور غیروں کا
شوق اپنے قدم کھینچا ہی کیا پلٹا ہی کیے ہر گام سے ہم

شان الحق حقی

ابھی تو راہ میں دیوار و در ہیں
ابھی دو چار گام آہستہ بولو

شکیل بدایونی

کبھی تقدیر کا ماتم کبھی دنیا کا گلہ
منزل عشق میں ہر گام پہ رونا آیا

عزیز حامد مدنی

اک گرمی جست فراست ہے اک وحشت پائے محبت ہے
جس پاؤں کی طاقت جی میں ہو وہ ساتھ مرے دو گام چلے