بہادر شاہ ظفر

شاہد مقصود تک پہنچیں گے کیونکر دیکھیے
بند ہے باب تمنا ہے غضب کھلتا نہیں

داغ دہلوی

نرالی تمنا ہے اہلِ کرم سے
ستم چاہتے ہیں غضب چاہتے ہیں

مصحفی غلام ہمدانی

ایسے ڈرے ہیں کس کی نگاہِ غضب سے ہم
بد خواب ہو گئے ہیں جو دو چار شب سے ہم
کشتی ہماری بحر کی ہے مانجدھار میں
نکلے ہیں کب کشاکش لطف و غضب سے ہم

مصطفٰیٰ خان شیفتہ

دم بھر بھی غیر پر نگہِ لطف کیوں ہے اب
اک عمر میں ستم کش چشمِ غضب رہا
وہ چشمِ التفات کہاں اب جو اس طرف
دیکھیں، کہ ہے دریغ نگاہِ غضب تلک
یوں پاس بوالہوس رہیں چشمِ غضب سے دور
یہ بات ہے بڑی دلِ عاشق طلب سے دور
جو لطف میں بھی پاس پھٹکنے نہ دے کبھی
رکھیو الٰہی! ایسے کے مجھ کو غضب سے دور

عرفان صدیقی

دستِ قاتل پہ گماں دستِ طلب کا ہوتا
نہ ہوا ورنہ یہ نظارہ غضب کا ہوتا
دستِ قاتل پہ گماں دستِ طلب کا ہو گا
کبھی ہو گا تو یہ نظارہ غضب کا ہو گا

رئیس فروغؔ

اپنا انداز غضب لگتا ہے
آج کل عشق عجب لگتا ہے
تمھارے ساتھ ہمارا سفر عجب ہے میاں
شجر شجر پہ امربیل کیا غضب ہے میاں

ضیا جالندھری

تمام عمر ترے التفات کو ترسا
وہ شخص جو ہدف ناوک غضب بھی نہیں

فراق گورکھپوری

کچھ مہر قیامت ہے نہ کچھ نار جہنم
ہشیار کہ وہ قہر و غضب اور ہی کچھ ہے

محسن احسان

سحر سے ایک کرن کی فقط طلب تھی مجھے
تمام رات مگر بیکلی غضب تھی مجھے

محسن نقوی

زخم کے پھول سے تسکین طلب کرتی ہے
بعض اوقات مری روح غضب کرتی ہے