مرزا غالب

ہوئے مر کے ہم جو رسوا، ہوئے کیوں نہ غرق دریا؟
نہ کبھی جنازہ اٹھتا نہ کہیں مزار ہوتا

داغ دہلوی

یہ کس نے جلوہ ہمارے سر مزار کیا
کہ دل سے شور اٹھا ہائے بے قرار کیا
مجھے مانتے سب ایسا کہ عدو بھی سجدے کرتے
در یار کعبہ بنتا جو مرا مزار ہوتا
مشہور ہو گئی ہے زیارت شہید کی
خوں کشتہ آرزو کا بنا ہے مزار دل
ادھر آ کر بھی فاتحہ پڑھ لو
آج زیر مزار ہم بھی ہیں

شیخ ابراہیم ذوق

میں جو شہید ہوں لب خندان یار کا
کیا کیا چراغ ہنستا ہے میرے مزار کا

مصطفٰی خان شیفتہ

مر گئے ہیں جو ہجرِ یار میں ہم
سخت بیتاب ہیں مزار میں ہم
مر گئے ہیں جو ہجرِ یار میں ہم
سخت بے تاب ہیں مزار میں ہم
تھا کیا ہجوم بہرِ زیارت ہزار کا
گل ہو گیا چراغ ہمارے مزار کا

مومن خان مومن

باندھو اب چارہ گرو چلے کہ وہ بھی شاید
وصل دشمن کے لیے سوئے مزار آ جائے

یگانہ چنگیزی

وہ نہ آتے فاتحہ کو ذرا مڑ کے دیکھ لیتے
تو ہجوم یاسؔ اتنا نہ سر مزار ہوتا
سایہ اگر نصیب ہو دیوارِ یار کا
کیا مرتبہ بلند ہو اپنے مزار کا
تصویر نزع دیکھنا چاہو تو دیکھ لو
رہ رہ کے جھلملانا چراغِ مزار کا
جھک جھک کے دیکھتا ہے فلک آج تک اسے
جس سرزمیں پہ میرا نشان مزار تھا

باقی صدیقی

کس انجمن میں جلایا ہے تو نے اے باقیؔ
ترا چراغ، چراغ سر مزار ہوا
گزرے ہوئے دنوں کے تصور سے فائدہ
کیا روشنی ملے گی چراغِ مزار سے

قمر جلالوی

جلا جلا گے پسِ مرگ کیا ملے گا تمھیں
بجھا بجھا کے چراغِ مزار کیا ہو گا
تم چلے آئے تو رونق پر مزار آ ہی گیا
شمعِ روشن ہو گئی پھولوں کا ہار آ ہی گیا
کیونکر رکھو گے ہاتھ دل بے قرار پر
میں تو تہِ مزار ہوں تم تو ہو مزار پر
گر یہ ہی جور و ظلم رہے خاکسار پر
منہ ڈھک کے روئے گا تو کسی دن مزار پر
یاد آئے تم کو اور پھر آئے مری وفا
تم آؤ رونے اور پھر آؤ مزار پر
سمجھا تھا اے قمر یہ تجلی انہیں کی ہے
میں چونک اٹھا جو چاندنی آئی مزار پر
وہ آئیں فاتحہ پڑھنے اب اعتبار تو نہیں
کہ رات ہو گئی دیکھا ہوا مزار نہیں
یا رب یہ ہار ٹوٹ گیا کس کا راہ میں
اڑ اڑ کے آ رہے ہیں جو سوئے مزار پھول

اختر شیرانی

کہاں کہاں نہ ہوئے ماہ رو جدا مجھ سے
کہاں کہاں مری امید کا مزار نہیں
کوئی عزیز نہ ٹھہرا ہمارے دفن کے بعد
رہی جو پاس تو شمعِ سر مزار رہی

غلام محمد قاصر

میلے لباس کی دعا پہنچے شبیہ شاخ تک
شاہوں کے پائیں باغ میں ایسا مزار بھی نہیں

حفیظ جالندھری

اب وہ سکون یاس نہ وہ اضطراب شوق
سینے میں دل ہے یا کوئی لاشہ مزار میں
اب خاک اڑائیے نہ ہمارے مزار کی
اب خاک بھی نہیں ہے ہمارے مزار میں

سیماب اکبر آبادی

نچلا رہا نہ سوزِ دروں انتظار میں
اس آگ نے سرنگ لگا دی مزار میں
خلوت خیالِ یار سے ہے انتظار میں
آئیں فرشتے لے کے اجازت مزار میں
ہم کو تو جاگنا ہے ترے انتظار میں
آئی ہو جس کو نیند وہ سوئے مزار میں
یہ معجزہ ہے وحشت عریاں پسند کا
میں کوئے یار میں ہوں کفن ہے مزار میں
ڈرتا ہوں یہ تڑپ کے لحد کو الٹ نہ دے
ہاتھوں سے دل دبائے ہوئے ہوں مزار میں
روئی ہے ساری رات اندھیرے میں بے کسی
آنسو بھرے ہوئے ہیں چراغِ مزار میں
نقش طلسم میرا دلِ داغدار تھا
تھا دن کو پھول رات کو شمعِ مزار تھا
وحشت طراز تھی کشش شام بیکسی
مرقد سے اپنے دور چراغِ مزار تھا
تنہا مرے ستانے کو رہ جائے کیوں زمیں
اے آسمان تو بھی اتر آ مزار میں

شاد عظیم آبادی

ضرورت کیا کسی کو اس طرف ہو کر گزرنے کی
الگ اے بیکسی بستی سے ہے کوسوں مزار اپنا

فانی بدایونی

فنا کے بعد یہ مجبوریاں ارے توبہ
کوئی مزار میں کوئی سر مزار رہے
نشان تربت عیاں نہیں ہے نہیں کہ باقی نشاں نہیں ہے
مزار میرا کہاں نہیں ہے کہیں نہیں ہے مزار میرا

امیر مینائی

پسِ مرگ کاش یوں ہی مجھے وصل یار ہوتا
وہ سر مزار ہوتا، میں تہِ مزار ہوتا
نہ ملک سوال کرتے ، نہ لحد فشار دیتی
سرِ راہ کوئے قاتل جو مرا مزار ہوتا
مردہ ہے دل تو گور ہے سینہ
داغ شمعِ مزار سا ہے کچھ

قتیل شفائی

بن گئے ہیں ہمارے سینے میں
حسرتوں کے مزار سونے دے