بہادر شاہ ظفر

وہ آئینہ ہے کہ جس کو ہے حاجت سیماب
اک اضطراب ہے کافی دل صفا کے لیے
گو کرتے ہیں ظاہر کو صفا اہل کدورت
پر دل کو نہیں کرتے صفا کچھ نہیں کرتے
خاکساری کیا عجب کھووے اگر دل کا غبار
خاک سے دیکھو کہ آئینہ صفا کیونکر ہوا

حیدر علی آتش

کیا کیا نگہ پھسلتی ہے رخسارِ یار پر
کیسا یہ آئنہ ہے صفا کچھ نہ پوچھئے

شیخ ابراہیم ذوق

آلودہ چشم میں نہ ہوئی سرمے سے نگاہ
دیکھا جہاں سے صاف ہی اہلِ صفا چلے
خاکساری ہے عجب وصف کہ جوں جوں ہو سوا
ہو صفا اور دل اہلِ صفا یاد رہے

مصحفی غلام ہمدانی

جنہوں نے کیا ہے دل آئینہ اپنا
انہیں لوگوں کی با صفا زندگی ہے

فیض احمد فیض

یہ عہد کہ تا عمرِ رواں ساتھ رہو گے
رستے میں بچھڑ جائیں گے جب اہلِ صفا اور

مرزا رفیع سودا

چاہے کہ عکس دوست رہے تجھ میں جلوہ گر
آئینہ دار دل کو رکھ اپنے صفا پرست

الطاف حسین حالی

نگہت مے پہ عشق میں جو حالیؔ
ان کو درد و صفا سے کیا مطلب
ہیں فدا ان دوستوں پر جن میں ہو صدق و صفا
پر بہت کم آپ میں صدق و صفا پاتے ہیں ہم

ماجد صدیقی

مری ضیا سے منور، مجھی سے بیگانہ
میں ایسے عہد کو کس طرح با صفا مانوں

حسرت موہانی

زنہار اگر اہلِ ہوس تجھ پہ فدا ہوں
یہ مرتبۂ صدق و صفا میرے لیے ہے

حفیظ جالندھری

مجاز عین حقیقت ہے با صفا کے لیے
بتوں کو دیکھ رہا ہوں مگر خدا کے لیے

ناصر کاظمی

آئنہ دیکھ کے حیران نہ ہو
نغمۂ آبِ صفا غور سے سن