بہادر شاہ ظفر

ظفرؔ بدل کے ردیف اور تو غزل وہ سنا
کہ جس کا تجھ سے ہر اک شعر انتخاب ہوا

داغ دہلوی

ہماری آنکھوں نے بھی تماشا عجب عجب انتخاب دیکھا
برائی دیکھی، بھلائی دیکھی، عذاب دیکھا، ثواب دیکھا

شیخ ابراہیم ذوق

تمہارے مطلع ابرو پہ یہ کہے ہے خال
کہ ایسا نقطہ کوئی وقت انتخاب تو دے

مومن خان مومن

ہم کچھ تو بد تھے جب نہ کیا یار نے پسند
اے حسرت اس قدر غلطی انتخاب میں

باقی صدیقی

بار دنیا نہ اٹھ سکا تو کیا
زندگی میرا انتخاب نہیں

جگر مراد آبادی

اس کی نظروں میں انتخاب ہوا
دل عجب حسن سے خراب ہوا
اب نظر کو کہیں قرار نہیں
کاوش انتخاب نے مارا

سراج الدین ظفر

وہ حسن انتخاب جہاں ہے اگر تو ہو
میری بھی دو جہاں میں نظر انتخاب ہے

عبدالحمید عدم

ہم تو تم کو پسند کر بیٹھے
تم کسے انتخاب کرتے ہو

قمر جلالوی

اب چھپ رہے ہو سامنے آ کر خبر بھی ہے
تصویر کھنچ گئی نگہِ انتخاب میں

احسان دانش

ملا کسی کو نہ دانشؔ کچھ آرزو کے خلاف
پس فنا بھی یہی انتخاب نکلے گا

اختر شیرانی

مزے وہ پائے ہیں آرزو میں کہ دل کی یہ آرزو ہے یا رب
تمام دنیا کی آرزوئیں مرے لیے انتخاب کر دے

بشیر بدر

ہزار صفحوں کا دیوان کون پڑھتا ہے
بشیرؔ بدر کا کوئی انتخاب دے جاؤ

فانی بدایونی

دل اور وہ بھی صرف مرا دردمند دل
تیری نگاہ نے یہ کیا انتخاب کیا

شاذ تمکنت

جھکی نگاہ وہ کم کم سخن دم اقرار
وہ حرف حرف ترا انتخاب جیسا تھا

فراق گورکھپوری

رکی رکی سی لب شوق پر ہے عرض وصال
کہ پھونک دے نہ ترے ذوق انتخاب کی آنچ
یہی ہے رونق گرمی یہی ہے رونق بزم
نگاہِ ناز ترے ذوق انتخاب کی آنچ