حیدر علی آتش

کام ہمت سے جواں مرد اگر لیتا ہے
سانپ کو مار کے گنجینۂِ زر لیتا ہے

شیخ ابراہیم ذوق

گہر کو جوہری صراف زر کو دیکھتے ہیں
بشر کے ہیں جو مبصر بشر کو دیکھتے ہیں
اے شمع ایک چور ہے بادی یہ بادِ صبح
مارے ہے کوئی دم میں ترے تاج زر پہ ہاتھ

مصحفی غلام ہمدانی

ہے عشق سخن کا مصحفیؔ کو
مائل نہیں اتنا سیم و زر پر
تھے جو سلطان بحر و بر آخر
گئے برباد تاج زر سب کے

شکیب جلالی

میری طرح یہ صبح بھی فنکار ہے شکیبؔ
لکھتی ہے آسماں پہ غزل آبِ زر کے ساتھ

عرفان صدیقی

یک بیک ہر روشنی کا ڈوب جانا اور پھر
آسماں پر اک طلسمِ سیم و زر کا جاگنا
خاک تھا اپنا بدن آخر بکھرنا تھا اسے
ہاں مگر اس خاک میں کچھ گنجِ زر جیسا بھی تھا
دیکھ لے ، خاک ہے کاسے میں کہ زر ہے سائیں
دستِ دادار بڑا شعبدہ گر ہے سائیں

الطاف حسین حالی

کیا خبر زاہد قانع کو کہ کیا چیز ہے حرص
اس نے دیکھی ہی نہیں کیسۂ زر کی صورت

رئیس فروغؔ

کوئی جاگیریں کوئی زر چاہے
دل پیار بھرا پیکر چاہے

احسان دانش

ہر دور کے فن شناس دانشؔ
ناکام حصول زر رہے ہیں

سدرشن فاکر

آدمی میں آدمیت کا نشاں باقی نہیں
بیچ ڈالا اس نے ایماں سیم و زر کو دیکھ کر

علی سردار جعفری

بیٹھے ہیں جہاں ساقی پیمانۂ زر لے کر
اس بزم سے اٹھ آئے ہم دیدۂ تر لے کر