حیدر علی آتش

حالت غم کو نہ بھولا چاہیے شادی میں بھی
خندۂ گل دیکھ کر یاد اشک شبنم کیجیے
رات صحبت گل سے دن کو ہم بغل خورشید سے
رشک اگر کیجے تو رشک بخت شبنم کیجیے
شکل گل ہنس ہنس کے روز وصل کاٹے ہیں بہت
ہجر کی شب صبح رو کر مثل شبنم کیجیے
شبہ ہوتا ہے صدف کا مجھے ہر غنچے پر
کہیں موتی نہ کریں قطرۂِ شبنم پیدا

داغ دہلوی

ہمارے آنسوؤں کی آبداری اور ہی کچھ ہے
کہ یوں ہونے کو روشن گوہر شبنم بھی ہوتے ہیں

فیض احمد فیض

تری دید سے سوا ہے ترے شوق میں بہاراں
وہ چمن جہاں گری ہے ترے گیسوؤں کی شبنم

باقی صدیقی

لب گل بھی نہ تر ہوئے باقیؔ
رات برسی کچھاس طرح شبنم

جگر مراد آبادی

جنوں کم جستجو کم تشنگی کم
نظر آئے نہ کیوں دریا بھی شبنم
کہاں پہلوئے خورشید جہاں تاب
کہاں اک نازنیں دوشیزہ شبنم
سحر ہونے کو ہے بیدار شبنم ہوتی جاتی ہے
خوشی منجملہ و اسباب ماتم ہوتی جاتی ہے

عرفان صدیقی

دلِ سوزاں پہ جیسے دست شبنم رکھ دیا دیکھو
علیؑ کے نام نے زخموں پہ مرہم رکھ دیا دیکھو
خود ہی شاداب ہے وہ لالۂ صحرا ایسا
خواہشِ قطرۂ شبنم نہیں کرتا ہم سے

رئیس فروغؔ

تو اگر ساتھ نہ جائے تو بہت دور کہیں
دن کو سورج کے تلے رات کو شبنم میں رہوں

احسان دانش

خوشی تنہا نہیں آتی جلو میں غم بھی ہوتا ہے
جہاں ہنستی ہیں کلیاں گریۂ شبنم بھی ہوتا ہے

ضیا جالندھری

دیکھیں آئینے کے مانند سہیں غم کی طرح
ہم کہ ہیں بزمِ گل و لالہ میں شبنم کی طرح
چاند ہی نکلا نہ بادل ہی چھما چھم برسا
رات دل پر غمِ دل صورت شبنم برسا

ظہیر کاشمیری

بہاروں کے غزل خواں آج یہ محسوس کرتے ہیں
پسِ دیوار گل روتی رہی ہے چشم شبنم بھی

عبید اللہ علیم

لوگ محبت کرنے والے دیکھیں گے تصویر اپنی
ایک شعاع آوارہ ہوں آئینۂ شبنم میں ہوں

تلوک چند محروم

ٹپک پڑتے ہیں وقت صبح آنسو
یہ عادت مثل شبنم ہو گئی ہے

ثروت حسین

یہ باغ چراغ سی تنہائی
یہ ساتھ گل و شبنم ایسے

حفیظ ہوشیارپوری

میں اکثر سوچتا ہوں پھول کب تک
شریک گریۂ شبنم نہ ہوں گے

عزیز حامد مدنی

آخر ہوئی بہار مگر رنگِ گل کا خواب
دل میں دعا نگاہ میں شبنم سا رہ گیا

فانی بدایونی

صد حیف وہ گل ہو کفِ گلچیں میں جو اب تک
آزردۂ آویزش شبنم نہ ہوا تھا

شاذ تمکنت

مثال شعلہ و شبنم رہا ہے آنکھوں میں
وہ ایک شخص جو کم کم رہا ہے آنکھوں میں

فراق گورکھپوری

روپ کے جوت زیر پیراہن
گلستاں پر ردائے شبنم ہے

قتیل شفائی

پھول پہ دھول ببول پہ شبنم دیکھنے والے دیکھتا جا
اب ہے یہی انصاف کا عالم دیکھنے والے دیکھتا جا

کلیم عاجز

لہو دیں گے تو لیں گے پیار موتی ہم نہیں لیں گے
ہمیں پھولوں کے بدلے پھول دو شبنم نہیں لیں گے

مجروح سلطان پوری

چاہے وہ کسی کا ہو لہو دامنِ گل پر
صیاد یہ کل رات کی شبنم تو نہیں ہے

ناصر کاظمی

اس گلِ تر کی یاد میں تا صبح
رقصِ شبنم رہا ہے آنکھوں میں