داغ دہلوی

جگر سے کم نہیں اے چارہ گر داغِ جگر مجھ کو
جو پیدا کی ہو مر مر کے وہ دولت رائیگاں کیوں ہو

میر مہدی مجروح

بس کہ اک جنس رائیگاں ہوں میں
جتنا ارزاں بکوں گراں ہوں میں

یگانہ چنگیزی

ہاتھ پھیلایا نہ جائے گا بھری محفل میں آج
صبر کی دولت کو ساقی رائیگاں کیوں کر کریں

جون ایلیا

تا لمحۂ گزشتہ یہ جسم اور سائے
زندہ تھے رائیگاں میں جو کچھ تھا رائیگاں تھا
کیا کیا نہ خون تھوکا میں اس گلی میں یارو
سچ جاننا وہاں تو جو فن تھا رائیگاں تھا
کیا ایک کاروبار تھا وہ ربط جسم و جاں
کوئی بھی رائیگاں نہ ہوا کچھ نہیں ہوا
رائیگاں وصل میں بھی وقت ہوا
پر ہوا خوب رائیگاں جاناں
ذکر چھیڑا خدا کا پھر تو نے
یاں ہے انساں بھی رائیگاں چپ رہ
خود سے رشتے رہے کہاں ان کے
غم تو جانے تھے رائیگاں ان کے

جگر مراد آبادی

خلوص جس میں ہو شامل وہ دور عشق و ہوس
نہ رائیگاں کبھی گزرا نہ رائیگاں گزرے

سراج الدین ظفر

میں نے کہا کہ صرف دل رائیگاں ہے کیا
اس نے کہا آرزوئے رائیگاں کرو
بغیر ساغر و یار جواں نہیں گزرے
ہماری عمر کے دن رائیگاں نہیں گزرے

قمر جلالوی

میں کوئی دم کا ہوں مہمان تیلیاں نہ بدل
کہ جائے گی تری محنت یہ رائیگاں صیاد

عرفان صدیقی

یہ رفاقت بہت مختصر ہے مری ہم سفر لا مرے ہاتھ میں ہاتھ دے
تو ہوائے سرِ رہ گزر کی طرح، میں کسی نکہتِ رائیگاں کی طرح
وصالِ بتاں کے لیے سوز جاں، عشق کا امتحاں، کچھ ضروری نہیں ہے
سو اب جا کے مجھ پر کھلا ہے کہ میں اتنے رنج و محن رائیگاں کھینچتا تھا
اس کی آنکھوں میں نہ جانے عکس تھا کس کا مگر
انگلیوں پر ایک لمس رائیگاں میرا بھی تھا
رنج اس کا ہے کہ کس کو رائیگاں کرتا ہے کون
ورنہ اس آشوب جاں میں رائیگاں میں ہی نہیں
پھر اب کے طائرِ وحشی نہ ہو سکا آزاد
یہ فصلِ گل بھی گئی رائیگاں علیؑ سے کہو
اگر میں فرض نہ کر لوں کہ سن رہا ہے کوئی
تو پھر مرا سخنِ رائیگاں کہاں جائے

مجید امجد

چلیں کہیں تو سیہ دل زمانوں میں ہوں گی
فراغتیں بھی اس اک صدقِ رائیگاں کے لیے

اختر شیرانی

خدائی کہکشاں کہتی ہے جس کو
وہ عذرا کا خرام رائیگاں ہے
جوانی رائیگاں جائے تو اچھا
جوانی ایک خواب رائیگاں ہے

اسرار الحق مجاز

الجھنوں سے گھبرائے مے کدے میں در آئے
کس قدر تن آساں ہے ذوق رائیگاں اپنا

سلام مچھلی شہری

جب تم ملے تو سامنے مے خانہ مل گیا
اور فلسفے حیات کے سب رائیگاں ہوئے

سیماب اکبر آبادی

سحر تک سعی نالہ رائیگاں معلوم ہوتی ہے
یہ دنیا تو بقدر یک فغاں معلوم ہوتی ہے
حیاتِ جاؤداں بھی عشق میں برباد کر لیں گے
متاعِ ہستی فانی تو پہلے رائیگاں کر لیں

فانی بدایونی

آزردہ تھا کہ ضبط فغاں میں اثر نہیں
شرمندہ ہوں کہ ضبط فغاں رائیگاں نہ تھا

محسن احسان

مزے سے سوؤں اگر ہاتھ آئے شامِ فراق
میں ایک لمحہ بھی اس شب کا رائیگاں نہ کروں

محسن نقوی

جب کوئی سمتِ سفر طے تھی نہ حد رہ گزر
اے مرے رہ رو سفر تو رائیگاں ہونا ہی تھا
سارے لہجے ترے بے زماں ایک میں
اس بھرے شہر میں رائیگاں ایک میں

ناصر کاظمی

خدا جانے ہم کس خرابے میں آ کر بسے ہیں
جہاں عرض اہلِ ہنر نکہتِ رائیگاں ہے