مرزا غالب

دیکھ کر غیر کو ہو کیوں نہ کلیجا ٹھنڈا
نالہ کرتا تھا، ولے طالبِ تاثیر بھی تھا
رنجِ نو میدیِ جاوید گوارا رہیو
خوش ہوں گر نالہ زبونی کشِ تاثیر نہیں
واں اس کو ہولِ دل ہے تو یاں میں ہوں شرمسار
یعنی یہ میری آہ کی تاثیر سے نہ ہو

بہادر شاہ ظفر

گریہ بھی ہے نالہ بھی ہے اور آہ و فغاں بھی
پر دل میں ہوئی اس کے نہ تاثیر کسی کی
کھینچ اب نالہ کوئی ایسا کہ ہو اس کو اثر
تو نے اے دل آہِ پر تاثیر پھر کھینچی تو کیا

مصحفی غلام ہمدانی

اے عشق تیری اب کے وہ تاثیر کیا ہوئی
شور جنوں کدھر گیا زنجیر کیا ہوئی

مصطفٰی خان شیفتہ

اے آہ ذرا شرم کہ وہ کہتے ہیں اکثر
مدت سے ہیں ہم آہ کی تاثیر کے مشتاق
دل سرد کے سن کے ترے لالۂِ موزوں
تھے شیفتہ ہم محسنِ تاثیر کے مشتاق
شیفتہ ہجر میں تو نالۂِ شب گیر نہ کھینچ
صبح ہونے کی نہیں خجلتِ تاثیر نہ کھینچ

مرزا رفیع سودا

نالے تو میں بہت کیے اس بت کے سامنے
پتھر کے نرم کرنے کو تاثیر شرط ہے

یگانہ چنگیزی

حسن اور عشق کی دنیا میں پڑے گی ہلچل
فتنہ انگیز و جنوں خیز ہے تاثیر بہار
برگشتہ اور وہ بتِ بے پیر ہو نہ جائے
الٹی کہیں دعاؤں کی تاثیر ہو نہ جائے
دل جل کے خاک ہو تو پھر اکسیر ہو نہ جائے
جاں سوز ہوں جو نالے تو تاثیر ہو نہ جائے

قمر جلالوی

جوں ہو کر زباں تیری بتِ بے پیر بگڑی ہے
دعا کتنی حسیں تھی جس کی یہ تاثیر بگڑی ہے

عرفان صدیقی

کوئی حیرت میرے لہجے کی پہچان بنی
کوئی چاہت میرے لفظوں کی تاثیر ہوئی
آج سے تم پہ درِ حرف و نوا بند ہوا
اب کوئی لفظ نہ تاثیر تمہارے لیے ہے

حسرت موہانی

محروم طرب ہے دل دلگیر ابھی تک
باقی ہے ترے عشق کی تاثیر ابھی تک

سیماب اکبر آبادی

وفا کا تذکرہ کیا اب تو یہ ارشاد ہے ان کا
کہ تم نالہ کرو ہم گرمی تاثیر دیکھیں گے

شان الحق حقی

اک مہک سی دمِ تحریر کہاں سے آئی
نام میں تیرے یہ تاثیر کہاں سے آئی
لحن بلبل کا چلا کون سے گل پر افسوں
صرف اک طرز ہے تاثیر کہاں سے آئی

شکیل بدایونی

کتنے مسرور تھے جینے کی دعاؤں پہ شکیلؔ
جب ملے رنج تو تاثیر پہ رونا آیا
پرسشِ حال کو وہ آ ہی گئے
کچھ بھی ہو عشق میں تاثیر تو ہے

فانی بدایونی

آہ سے یا آہ کی تاثیر سے
جی بہل جاتا کسی تدبیر سے

مجروح سلطان پوری

آہ جاں سوز کی محرومی تاثیر نہ دیکھ
ہو ہی جائے گی کوئی جینے کی تدبیر نہ دیکھ

محسن احسان

ہوا میں اٹھتے رہے ہاتھ بے سبب محسنؔ
چمک دعاؤں کی تاثیر تک نہیں پہنچی