داغ دہلوی

کھل گئی بات جب ان کی تو وہ یہ پوچھتے ہیں
منہ سے نکلی ہوئی ہوتی ہے پرائی کیوں کر
کھل گئی بات جب ان کی تو وہ پوچھتے ہیں
منہ سے نکلی ہوئی ہوتی ہے پرائی کیونکر

مصحفی غلام ہمدانی

سن کے ادائے غم کی تیرے صبر و شکیب ہیں بھاگنے پر
پاؤں ٹھہرنے مشکل ہیں جب دھاک پرائی بیٹھ گئی

یگانہ چنگیزی

بھلا اب کیا جچوں اپنی نظر میں
نظر اپنی پرائی ہو چکی بس

باقی صدیقی

آپ سے آشنائی کرتے ہیں
بات اپنی پرائی کرتے ہیں
کیا اپنے سوا کوئی نظر آئے نہ ہم کو
کیوں دل کو سکوں بات پرائی نہیں دیتی

جون ایلیا

وہ جو سرمایۂ دل و جاں تھی
اب وہی آرزو پرائی ہے

بشیر بدر

اداسی بچھی ہے بڑی دور تک
بہاروں کی بیٹی پرائی ہوئی

سیف الدین سیف

پہلو میں اب سیفؔ مرا کیا باقی ہے
دل ہے جس میں یاد پرائی رہتی ہے

شکیل بدایونی

کھل گیا ان کی آرزو میں یہ راز
زیست اپنی نہیں پرائی ہے

فانی بدایونی

دردِ دل کی انہیں خبر کیا ہو
جانتا کون ہے پرائی چوٹ

احمد فراز

عقل ہر بار دکھاتی تھی جلے ہاتھ اپنے
دل نے ہر بار کہا آگ پرائی لے لے