داغ دہلوی

کب کسی در کی جبہہ سائی کی
شیخ صاحب نماز کیا جانیں

شیخ ابراہیم ذوق

اس سنگ آستاں پہ جبینِ نیاز ہے
وہ اپنی جانماز ہے اور یہ نماز ہے

مصحفی غلام ہمدانی

اس کا سلام مجھ سے اب کیا ہے گردش رو
طفلی میں میں سکھایا جس کو نماز کرنا

مصطفٰی خان شیفتہ

پانی وضو کو لاؤ، رخِ شمع زرد ہے
مینا اٹھاؤ وقت اب آیا نماز کا

مومن خان مومن

یاد بتاں میں لاکھ بار فرط قلق سے ہم بھی تو
بیٹھے اٹھے ہیں مومنؔ آپ گر رہے شب نماز میں

فیض احمد فیض

ہو چکا عشق! اب ہوس ہی سہی
کیا کریں فرض ہے ادائے نماز
ہر حقیقت مجاز ہو جائے
کافروں کی نماز ہو جائے

قمر جلالوی

اے شیخ مے کدے سے نکل دیکھ بال کے
واپس نہ آ رہے ہوں نمازی نماز سے