مصحفی غلام ہمدانی

اللٰہ رے رعب حسن کہ اس بت کے سامنے
آئی جو بات دل سے زباں پر وہیں رہی

جون ایلیا

وہ صبا اس کے بن جو آئی تھی
وہ اسے پوچھتی رہی کب تک
یہ پیہم تلخ کامی سی رہی کیا
محبت زہر کھا کے آئی تھی کیا
یہ اکثر تلخ کامی سی رہی کیا
محبت زک اٹھا کر آئی تھی کیا
کیا کہا عشق جاؤدانی ہے !
آخری بار مل رہی ہو کیا
اس سمندر پہ تشنہ کام ہوں میں
بان تم اب بھی بہہ رہی ہو کیا
ہے غنیمت جو ہوش میں نہیں میں
شیخ تجھ کو بچا رہی ہے شراب

عبدالحمید عدم

عشق جب دم توڑتا تھا تم نہ تھے
موت جب سر دھن رہی تھی میں نہ تھا

شکیب جلالی

وہ پھر رہے ہیں زخم بہ پا آج دشت دشت
قدموں میں جن کے شاخِ گلِ تر جھکی رہی

مجید امجد

جو دل نے کہہ دی ہے وہ بات ان کہی بھی نہ تھی
یہ موج تو تہہِ دریا کبھی رہی بھی نہ تھی

ادا جعفری

کیا جانیے کس بات پہ مغرور رہی ہوں
کہنے کو تو جس راہ چلایا ہے چلی ہوں
تیرے لیے تقدیر مری جنبشِ ابرو
اور میں ترا ایمائے نظر دیکھ رہی ہوں
صدیوں سے مرے پاؤں تلے جنت‌ انساں
میں جنت انساں کا پتہ پوچھ رہی ہوں
جس ہاتھ کی تقدیس نے گلشن کو سنوارا
اس ہاتھ کی تقدیر پہ آزردہ رہی ہوں

بشیر بدر

وہ دریا میں نہانا چاندنی کا
کہ چاندی جیسے گھل کر بہہ رہی ہو
جیسے اک ہریجن لڑکی مندر کے دروازے پر
شام دیوں کی تھال سجائے جھانک رہی ہے آنکھوں میں

زہرا نگاہ

دیر تک روشنی رہی کل رات
میں نے اوڑھی تھی چاندنی کل رات
طاق دل پہ تھی گھنگھروؤں کی صدا
اک جھڑی سی لگی رہی کل رات

فارغ بخاری

نفس نفس میں فغاں ہے نظر نظر میں ہراس
کچھ اور دن یہی حالت رہی تو کیا ہو گا