مصحفی غلام ہمدانی

ہم اس فریق میں نہیں وہ اور لوگ ہیں
دنیا کے نیک و بد سے جو رکھتے ہیں آ گہی

باقی صدیقی

خود کو لگتے ہیں اجنبی سے ہم
باز آئے اس آ گہی سے ہم

جون ایلیا

ہے عجب کچھ معاملہ درپیش
عقل کو آ گہی سے خطرہ ہے
جہل واعظ کا اس کو راس آئے
صاحبو میری آ گہی ہے شراب
شعور ایک شعور فریب ہے سو تو ہے
غرض کہ آ گہی نا آ گہی کو چھوڑ دیا

مجید امجد

نشے کی رو میں یہ جھلکا ہے کیوں نشے کا شعور
اس آگ میں تو کوئی آب آ گہی بھی نہ تھی

احسان دانش

پرستش غم کا شکریہ کیا تجھے آ گہی نہیں
تیرے بغیر زندگی درد ہے زندگی نہیں

ماجد صدیقی

ہے جنوں عطر، آ گہی خوشبو
ذات اپنی ہی دے اٹھی خوشبو

سلام مچھلی شہری

رہروان دانش کی زندگی بتاتی ہے
کام کن منازل میں آ گہی نہیں آئی

شکیل بدایونی

جب سے دیکھا ہے ان کو بے پردہ
نخوت آ گہی نہیں جاتی

شاذ تمکنت

بھڑک نہ جائے کہیں شمع علم و دانش بھی
جنوں جنوں ہی رہے آ گہی نہ بن جائے

فراق گورکھپوری

نئے انسان کا جب دور خود نا آ گہی بدلا
رموز بے خودی بدلے تقاضائے ‌ خودی بدلا

قابل اجمیری

تمہیں جو میرے غمِ دل سے آ گہی ہو جائے
جگر میں پھول کھلیں آنکھ شبنمی ہو جائے

محبوب خزاں

جنوں سے کھیلتے ہیں آ گہی سے کھیلتے ہیں
یہاں تو اہلِ سخن آدمی سے کھیلتے ہیں