مصطفٰیٰ خان شیفتہ

دیتی ہے اور گرمی پروانہ داغِ اشک
شب ہائے ہجر میں کوئی کیونکر جلائے شمع

جون ایلیا

خواب کے رنگِ دل و جاں میں سجائے بھی گئے
پھر وہی رنگ بہ صد طور جلائے بھی گئے

عرفان صدیقی

چراغِ خانۂ افسردگاں جلائے بھی
اگر وہ سنگ نہیں ہے تو مسکرائے بھی
اسی کا خانۂ ویراں، اسی کا طاقِ ابد
میں اک چراغ ہوں چاہے جہاں جلائے مجھے

رئیس فروغؔ

وصل کے داغ ناتمامی کو
جب تلک ہوسکا جلائے گیا
کوئی صبح تلک مرے ساتھ رہے
سبھی اپنے چراغ جلائے ہوئے
اس ہوس میں کہ اندھیرا نہ رہے
گھر میں جو کچھ ہے جلائے جاؤں

احسان دانش

اس ایک شمع سے اترے ہیں بام و در کے لباس
اس ایک لو نے بڑے پھول بن جلائے ہیں

آنس معین

امید سحر بھی تو وراثت میں ہے شامل
شاید کہ دیا اب کے جلائے گا کوئی اور

حفیظ جالندھری

یہ ہائے ہائے مضحکہ انگیز ہے تو ہو
دل سے اٹھے زبان جلائے تو کیا کروں

فانی بدایونی

تری لگائی ہوئی آگ حشر تک نہ بجھی
ہوئے نہ مر کے بھی ٹھنڈے ترے جلائے ہوئے

افضل منہاس

نئے جہاں کی تمنا میں گھر سے نکلا ہوں
ہتھیلیوں پہ نئی مشعلیں جلائے ہوئے

قتیل شفائی

بہ رنگ عود ملے گی اسے مری خوشبو
وہ جب بھی چاہے بڑے شوق سے جلائے مجھے

کیفی اعظمی

چھٹا جہاں سے اس آواز کا گھنا بادل
وہیں سے دھوپ نے تلوے جلائے ہیں کیا کیا

مجروح سلطان پوری

ہو تیغ اثر زنجیرِ قدم پھر بھی ہیں نقیب منزل ہم
زخموں سے چراغِ راہ گزر بیٹھے ہیں جلائے زنداں میں

ناصر کاظمی

اک طرف جھوم کر بہار آئی
اک طرف آشیاں جلائے گئے
شہرِ در شہر گھر جلائے گئے
یوں بھی جشنِ طرب منائے گئے