مرزا غالب

ہے ناز مفلساں ’’زر ا ز دست رفتہ‘‘ پر
ہوں ’’گل فروش شوخی داغ کہن‘‘ ہنوز
ہم اور تم فلکِ پیر جس کو کہتے ہیں
فقیر غالب مسکیں کا ہے کہن تکیہ
وہ آویں گے مرے گھر ، وعدہ کیسا ، دیکھنا ، غالب!
نئے فتنوں میں اب چرخِ کہن کی آزمائش ہے

امام بخش ناسخ

نقاب سے ترے ابرو جو سلخ کو کھل جائیں
تو ماہِ نور ہے چرخِ کہن کے پردے میں

انشاء اللہ خان انشا

واہ اس طفلی و اس شکل جوانی کے بدل
سامنے ہوویں گے اک مرد کہن آئینے میں

حیدر علی آتش

جوش و خروش پر ہے بہارِ چمن ہنوز
پیتے ہیں نوجوان شرابِ کہن ہنوز
جو بد خو طفلِ اشک اے چشمِ تر ہیں دیکھنا اک دن
گھروندے کی طرح سے گنبد چرخِ کہن بگڑا
جہاں خالی نہیں رہتا کبھی ایذا دہندوں سے
ہوا ناسور نو پیدا اگر زخمِ کہن بگڑا
آج تک دیکھا نہیں ان آنکھوں نے روئے خمار
کون مجھ سا گنبد چرخِ کہن میں مست ہے

شیخ ابراہیم ذوق

اک سرزمین لالہ بہار و خزاں میں ہوں
یکساں ہے داغِ تازہ و داغ کہن مجھے

مصحفی غلام ہمدانی

آخر عمر اپنی نظروں میں
جامۂِ زندگی کہن سا لگا

سراج الدین ظفر

مدرسے میں کہاں اس زلف کا موضوع جدید
لوگ پہنچے تو روایات کہن تک پہنچے
اک قبائے سبک و تنگ میں سو سو ہیں طلسم
کیا کوئی حسن کے اسرار کہن تک پہنچے
اس دور میں وفا کی رسوم کہن کہاں
منصور بھی اب آئے تو دار و رسن کہاں

قمر جلالوی

نہ روکی برق تو نے آشیاں بدلے چمن بدلے
یہ کب کے لے رہا ہے ہم سے اے چرخِ کہن بدلے

عرفان صدیقی

لپٹ سی داغ کہن کی طرف سے آتی ہے
جب اک ہوا ترے تن کی طرف سے آتی ہے