مرزا غالب

دیکھ کر تجھ کو ، چمن بسکہ نمو کرتا ہے
خود بخود پہنچے ہے گل گوشۂِ دستار کے پاس

امام بخش ناسخ

کس کی ہولی جشن نو روزی ہے آج
سرخ مے سے ساقیا دستار رنگ
دود داغ سر سودا زدہ کرتا ہے سیاہ
اے جنوں ہم کبھی رکھتے ہیں جو دستار سفید

حیدر علی آتش

شمشاد اپنے ترے کو بیچے تو لیجیے
اس لالہ رو کی لپٹتی دستار کے لیے
طرہ کی طرح سے دلِ عاشق کو پیچ میں
کس کس لپیٹ سے تری دستار نے کیا

مصحفی غلام ہمدانی

شوخی ہے تیری طبع میں شدت سے مصحفیؔ
لے بھاگ سر سے شیخ کے دستار ہو سو ہو

مومن خان مومن

بے بخت رنگ خوبی کس کام کا کہ میں تو
تھا گل ولے کسی کی دستار تک نہ پہنچا

مرزا رفیع سودا

ہر شب شراب خوار ہر اک دن سیاہ ہے
آشفتہ زلف و لٹپٹی دستار کون ہے

شکیب جلالی

دیکھتے کیوں ہو شکیبؔ! اتنی بلندی کی طرف
نہ اٹھایا کرو سر کو کہ یہ دستار گرے

عرفان صدیقی

سرِ پندار تو مجھ کو بھی نظر آتا ہے
اور کیا کیا تہہِ دستار ہے میں کیا جانوں
خنجر کی طرح کاٹ بھی ہے تند ہوا میں
اب سر کی کریں فکر کہ دستار بچائیں