فیض احمد فیض

تیرے دستِ ستم کا عجز نہیں
دل ہی کافر تھا جس نے آہ نہ کی

مرزا رفیع سودا

نہ دے تکلیف جلنے کی کسو کے دل کو میرے پر
اثر سے دور رہتی ہیں میں اپنی آہ کے صدقے
بے چین جو رکھتی ہے تمہیں چاہ کسو کی
شاید کہ ہوئی کارگر اب آہ کسو کی

جگر مراد آبادی

دنیائے دلِ تباہ کیے جا رہا ہوں میں
صرف نگاہ و آہ کیے جا رہا ہوں میں

اختر شیرانی

جہاں میں مجھ سے بھی ناکام آرزو کم ہیں
نہ رنگ آہ میں ہے اور نہ سوز آہ میں ہے

حفیظ جالندھری

کمبخت دل برا ہوا تری آہ آہ کا
حسن نگاہ بھی نہ رہا گاہ گاہ کا
اس شوخ نے نگاہ نہ کی ہم بھی چپ رہے
ہم نے بھی آہ آہ نہ کی ہم بھی چپ رہے

شاد عظیم آبادی

اشکوں کا سلسلہ کہیں ٹوٹے بھی اے فراق
تھک بھی چکے قدم مری فریاد و آہ کا
غوغائے حشر دل میں سماتا نہیں مرے
ہنگامہ یاد ہے مجھے فرقت میں آہ کا
کیا جانیے تلاش اثر میں کہاں گئی
اب تک کہیں پتہ نہ لگا میری آہ کا

شکیل بدایونی

زندگی ان کی چاہ میں گزری
مستقل درد و آہ میں گزری
اوراقبال‌ جرم کیا ہو شکیلؔ
تھرتھراتے لبوں پہ آہ تو ہے

عزیز حامد مدنی

کھل ہی گیا طلسم دوست عین وصال میں کہ تھی
اک شبِ ہجر زندگی لذت آہ کے لیے

ناصر کاظمی

بھر آئے گی آنکھ بھی کسی دن
خالی نہیں صرفِ آہ رہنا