یگانہ چنگیزی

شمع کیا شمع کا اجالا کیا
دن چڑھے سامنا کرے کوئی

باقی صدیقی

ہر قدم پر ترا سوا لایا
ہر قدم پر تھا سامنا دل کا

جون ایلیا

کبھی جب مدتوں کے بعد اس کا سامنا ہو گا
سوائے پاس آداب تکلف اور کیا ہو گا

جگر مراد آبادی

ہو کے اک بار سامنا ان سے
پھر کبھی سامنا نہیں ہوتا
جہنم ہو کہ جنت جو بھی ہو گا فیصلہ ہو گا
یہ کیا کم ہے ہمارا اور ان کا سامنا ہو گا

شکیب جلالی

وہ سامنے تھا پھر بھی کہاں سامنا ہوا
رہتا ہے اپنے نور میں سورج چھپا ہوا

ضیا جالندھری

عجب کشاکش بیم و رجا ہے تنہائی
ترے بغیر ترا سامنا ہے تنہائی

فارغ بخاری

شکست ضبط پہ میں بھی بہت خجل ہوں مگر
کھلا ہے اس کا بھرم میرا سامنا کر کے

ماجد صدیقی

ہاں ہاں مری نگاہ بھی سورج سے کم نہیں
آنکھوں میں کس کی دم کہ مرا سامنا کرے
کیا ہم سے ملا سکے گا آنکھیں
ہو تجھ سے کبھی جو سامنا بھی

رسا چغتائی

ایک سائے سے روز ہوتا ہے
آمنا سامنا مکانوں میں

شکیل بدایونی

بہار آئی کسی کا سامنا کرنے کا وقت آیا
سنبھل اے دل کہ اظہارِ وفا کرنے کا وقت آیا
ترکِ الفت کو زمانہ ہو گیا لیکن شکیلؔ
آج پھر میرا اور ان کا سامنا ہونے کو ہے
صرف اس دھن میں کہ تعمیر محبت سہل ہو
جانے کن کن مشکلوں کا سامنا کرتا ہوں میں