باقی صدیقی

نیازی سے ہے قائم شانِ حسن
انہیں یاد آئیں پر یاد آئیں کیا
ہر رنگ جہاں سے ہٹ کے دیکھو
اس طرح نظر نہ آئیں گے ہم

قمر جلالوی

بزمِ کثرت میں یہ کیوں ہوتا ہے ان کا انتظار
پردۂ وحدت سے باہر ہم نکل آئیں گے کیا
کل بہار آئے گی یہ سن کر قفس بدلو نہ تم
رات بھر میں قیدیوں کے پر نکل آئیں گے کیا

الطاف حسین حالی

عمر کی منزل تو جوں توں کٹ گئی
مرحلے اب دیکھیے پیش آئیں کیا

رئیس فروغؔ

صبح سے آنگن میں آندھی ہے اندھیارا ہے دھول ہے
شاید آگ چرانے والے گھر آئیں گے شام کو

اختر شیرانی

شب بھر تو ان کی یاد میں تارے گنا کیے
تارے سے دن کو بھی نظر آئیں تو کیا کریں
اب جی میں ہے کہ ان کو بھلا کر ہی دیکھ لیں
وہ بار بار یاد جو آئیں تو کیا کریں
ان کو بلائیں اور وہ نہ آئیں تو کیا کریں
بے کار جائیں اپنی دعائیں تو کیا کریں
مانا کہ سب کے سامنے ملنے سے ہے حجاب
لیکن وہ خواب میں بھی نہ آئیں تو کیا کریں
بد قسمتوں کا یاد نہ کرنے پہ ہے یہ حال
اللہ اگر وہ یاد ہی آئیں تو کیا کریں

بشیر بدر

غزلوں کا ہنر اپنی آنکھوں کو سکھائیں گے
روئیں گے بہت لیکن آنسو نہیں آئیں گے
کہہ دینا سمندر سے ہم اوس کے موتی ہیں
دریا کی طرح تجھ سے ملنے نہیں آئیں گے
نیند کی فاختہ سہمی ہوئی ہے آنکھوں میں
تیر یادوں کی کمیں گاہوں سے پھر آئیں گے

ظہیر کاشمیری

اب عشق سے لو لگائیں گے ہم
اب دل کے بھی کام آئیں گے ہم
اے مونس دل اے ہجر کی رات
لے چل دیے اب نہ آئیں گے ہم