مرزا غالب

خوشی، خوشی کو نہ کہہ، غم کو غم نہ جانِ اسد
قرار داخل اجزائے کائنات نہیں

مصطفٰی خان شیفتہ

جب سے عطا ہوا ہمیں خلعت حیات کا
کچھ اور رنگ ڈھنگ ہوا کائنات کا

باقی صدیقی

اگرچہ اس میں تری کوششیں بھی شامل ہیں
یہ کائنات مری کائنات ہے پھر بھی
رہِ حیات کے ہر موڑ پر یہ غم توبہ
ابھی حیات، ابھی کائنات ختم ہوئی
زخم کھا کر نظر جب اٹھتی ہے
حاصل کائنات ہوتی ہے

جگر مراد آبادی

دل گیا رونق حیات گئی
غم گیا ساری کائنات گئی

سراج الدین ظفر

اے دست راز مرکب دوراں ہے سست رو
لا میرے ہاتھ میں رسن کائنات دے
اٹھ رہ گزر سے اے در مے خانہ کے گدا
مسند پہ بیٹھ فیصلۂ کائنات دے

عبدالحمید عدم

سوئے ادب نہ ٹھہرے تو دیں کوئی مشورہ
ہم مطمئن نہیں ہیں تری کائنات سے
کھلی وہ زلف تو پہلی حسین رات ہوئی
اٹھی وہ آنکھ تو تخلیق کائنات ہوئی

قمر جلالوی

شباب آنے سے تجھ سے عبث امیدِ وفا
رہے گی تیرے زمانے میں کائنات کہاں

مجید امجد

تیرا دیار، رات، مری بانسری کی لے
اس خوابِ دل نشیں کو مری کائنات کر

مصطفی زیدی

مندمل ہو نہ جائے زخم دروں
یہ مری کائنات ہے اے دل

جمال احسانی

یہ غم جدا ہے بہت جلدباز تھے ہم تم
یہ دکھ الگ ہے ابھی کائنات باقی ہے

بشیر بدر

ذروں میں کنمناتی ہوئی کائنات ہوں
جو منتظر ہے جسموں کی میں وہ حیات ہوں
خدا کی نظموں کی کتاب ساری کائنات ہے
غزل کے شعر کی طرح ہر ایک فرد فرد ہے

عبید اللہ علیم

ہر تیرگی میں تو نے اتاری ہے روشنی
اب خود اتر کے آ کہ سیہ تر ہے کائنات

غلام محمد قاصر

پہلے اک شخص میری ذات بنا
اور پھر پوری کائنات بنا