مرزا غالب

نالہ جز حسنِ طلب، اے ستم ایجاد نہیں
ہے تقاضائے جفا، شکوۂِ بیداد نہیں
نفی سے کرتی ہے اثبات طراوش گویا
دی ہی جائے دہن اس کو دمِ ایجاد نہیں
بیگانۂِ رسومِ جہاں ہے مذاقِ عشق
طرزِ جدیدِ ظلم ایجاد کیجیے

مومن خان مومن

ان نصیبوں پر کیا اختر شناس
آسماں بھی ہے ستم ایجاد کیا
جو ہو چکا یقیں کہ نہیں طاقت وصال
دم میں ہمارے وہ ستم ایجاد آ گیا

مرزا رفیع سودا

دیکھوں ہوں یوں میں اس ستم ایجاد کی طرف
جوں صید وقت ذبح کے صیاد کی طرف

یگانہ چنگیزی

دل لگانے کی جگہ عالمِ ایجاد نہیں
خواب آنکھوں نے بہت دیکھے مگر یاد نہیں

جون ایلیا

دل کتنا آباد ہوا جب دید کے گھر برباد ہوئے
وہ بچھڑا اور دھیان میں اس کے سو موسم ایجاد ہوئے
فکر ایجاد میں گم ہوں مجھے غافل نہ سمجھ
اپنے انداز پر ایجاد کروں گا تجھ کو
تم جسے کہتے تھے ہنگامہ پسندی میری
پھر وہی طرز غم ایجاد کیا ہے میں نے
عنایت کی ہیں نا ممکن امیدیں
کرم ایجاد فرمایا گیا ہے
عجب اک طور ہے جو ہم ستم ایجاد رکھیں
کہ نہ اس شخص کو بھولیں نہ اسے یاد رکھیں
لازم ہے اپنے آپ کی امداد کچھ کروں
سینے میں وہ خلا ہے کہ ایجاد کچھ کروں
وہ جو تھا اپنا گمان آج بہت یاد آیا
تھی عجب راحت آزادی ایجاد اس میں

جگر مراد آبادی

اللٰہ رے اس گلشنِ ایجاد کا عالم
جو صید کا عالم وہی صیاد کا عالم
خوشا بیداد خون حسرت بیداد ہوتا ہے
ستم ایجاد کرتے ہو کرم ایجاد ہوتا ہے

عبدالحمید عدم

جزو طبیعت بن جائیں تو جور کرم ہو جاتے ہیں
لطف نہ اب رائج فرمائیں صرف ستم ایجاد کریں

قمر جلالوی

سامنے تصویر رکھ کر اس ستم ایجاد کی
داستاں کہنے کو بیٹھا ہوں دلِ نا شاد کی
فصلِ گل آتے ہی میرے چار تنکوں کے لیے
بجلیاں بے تاب ہیں چرخِ ستم ایجاد کی

عرفان صدیقی

شکوہ کوئی بھی نہ دستِ ستم ایجاد سے ہے
ہم کو جو رنج ہے وہ جرأت فریاد سے ہے
ہمارے کنجِ ابد عافیت میں کچھ بھی نہیں
یہ کارگاہِ عناصر یہ عالمِ ایجاد

احسان دانش

حسن کو دنیا کی آنکھوں سے نہ دیکھ
اپنی اک طرز نظر ایجاد کر

تلوک چند محروم

ستم کوئی نیا ایجاد کرنا
تو مجھ کو بھی مری جاں یاد کرنا
جو کرتا ہے نثار نوع انساں اپنی ہستی کو
وہ انساں افتخار‌ عالمِ ایجاد ہوتا ہے

حفیظ جالندھری

کیا پابندِ نے نالے کو میں نے
یہ طرز خاص ہے ایجاد میری
چلے تھے ہم کہ سیر گلشنِ ایجاد کرتے ہیں
کہ اتنے میں اجل آ کر پکاری یاد کرتے ہیں
کبھی تو رنگ لائے گا کبھی تو گل کھلائے گا
ہم اپنا خون صرف گلشنِ ایجاد کرتے ہیں
واہ واہ کیا رنگ بدلا گلشنِ ایجاد کا
سایۂ گل پر گماں ہونے لگا صیاد کا
یہ سمجھ لیجے کسی شاعر کے دل کا ٹوٹنا
ٹوٹ جانا ہے طلسم عالمِ ایجاد کا
اور تمہیں آتا ہی کیا ہے
کوئی ستم ایجاد کرو گے
مٹنے والی حسرتیں ایجاد کر لیتا ہوں میں
جب بھی چاہوں اک جہاں آباد کر لیتا ہوں میں

فانی بدایونی

ستم ایجاد رہو گے ستم ایجاد رہے
اس میں اب شاد رہے یا کوئی ناشاد رہے

قتیل شفائی

زندگی بھاگ چلی موت کے دروازے سے
اب قفس کون سا ایجاد کرے گی دنیا