مرزا غالب

دیوانگی سے دوش پہ زنار بھی نہیں
یعنی ہمارے جیب میں اک تار بھی نہیں
تب چاکِ گریباں کا مزا ہے دلِ نالاں
جب اک نفس الجھا ہوا ہر تار میں آوے
تپش سے میری ، وقفِ کش مکش ، ہر تارِ بستر ہے
مرا سر رنجِ بالیں ہے ، مرا تن بارِ بستر ہے
بہ طوفاں گاہِ جوشِ اضطرابِ شامِ تنہائی
شعاع آفتاب صبح محشر تارِ بستر ہے

امام بخش ناسخ

ہوئے رونے سے مرے دیدۂِ بے دار سفید
بلکہ اشکوں نے کیا رنگ شبِ تار سفید
ٹلتی نہیں زلفوں کے تصور کی طرح سے
ہے طرفہ جدائی کی شبِ تار کی رفتار
نہیں آتا جو وہ خورشید مرے گھر میں نہ آئے
صبح ہو جائے گی آخرِ شبِ تار آپ سے آپ

بہادر شاہ ظفر

جو سلوک کرتے تھے اور سے وہی اب ہیں کتنے ذلیل سے
وہ ہیں تنگ چرخ کے جور سے رہا تن پہ ان کے نہ تار ہے
کیا ہو گا رفوگر سے رفو میرا گریبان
اے دستِ جنوں تو نے نہیں تار بھی چھوڑا

حیدر علی آتش

جوشِ گریہ نے کیا ہے ناتواں اتنا مجھے
ٹوٹنا ممکن نہیں ہے آنسوؤں کے تار کا
جان سے عزیز تر ہے مرے دل کو داغ عشق
مہتاب لحد کی شبِ تار کے لیے
سودائے زلف میں مجھے آیا خیال رخ
مشتاق روشنی کا شبِ تار نے کیا
کسی فاسق کے تو منہ کو نہ کرے گی کالا
کیوں سیاہی یہ شبِ تار لیے پھرتی ہے

داغ دہلوی

اسیری دل آشفتہ رنگ لا کے رہی
تمام طرۂ طرار تار تار کیا

مصحفی غلام ہمدانی

یہی ہے لوٹ تو شانے کے ہاتھ سے پیارے
نہ ایک بھی تری زلفوں کا تار ٹھہرے گا

مومن خان مومن

صفائے دل کی کہاں قدر تیرہ روزی میں
چراغ صبح ہے شب ہائے تار آئینہ

فیض احمد فیض

حضور‌ یار ہوئی دفترِ جنوں کی طلب
گرہ میں لے کے گریباں کا تار تار چلے

مرزا رفیع سودا

سونپا تھا کیا جنوں نے گریبان کو مرے
لیتا ہے اب حساب جو یہ تار تار کا
سوزن کی نہ جیب کیجو منت
یوں پھٹیو کہ تار تار ہووے
پھرتے ہو باغ سے تو پکارے ہے عندلیب
صبح بہارِ گل پہ شبِ تار کر چلے
عقدہ نہ یہ کھلا کہ مرے دل سا پہلوان
تجھ زلف کے بندھا ہوا اک تار ساتھ ہے

یگانہ چنگیزی

خزاں کے جور سے واقف کوئی بہار نہ ہو
کسی کا پیرہن حسن تار تار نہ ہو
اجی توبہ اس گریباں کی بھلا بساط کیا تھی
یہ کہو کہ ہاتھ الجھا نہیں تار تار ہوتا
دعائے شوق کجا ایک ہاتھ ہے دل پر
اور ایک ہاتھ گریبان تار تار میں ہے
دیکھو تو اپنے وحشیوں کی جامہ زیبیاں
اللٰہ رے حسن پیرہن تار تار کا
پہلے تو آنکھیں پھاڑ کے دیکھا ادھر ادھر
دامن پھر اک اشارے میں بس تار تار تھا

باقی صدیقی

تھا میسر نہ ایک تار ہمیں
ہنس پڑی دیکھ کر بہار ہمیں

سراج الدین ظفر

ہم بیخودان عشق سے کیا پرسش بہار
پوچھو ہمارے پیرہن تار تار سے

قمر جلالوی

رہ رہ گئی ہیں ضعف سے وحشت میں حسرتیں
رک رک گیا ہے دستِ جنوں تار تار پر

شکیب جلالی

کچھ عقل بھی ہے باعثِ توقیر‘ اے شکیبؔ
کچھ آ گئے ہیں بالوں میں چاندی کے تار بھی
وہ راگ خاموش ہو چکا ہے ‘ سنانے والا بھی سوچکا ہے
لرز رہے ہیں مگر ابھی تک شکستہ بربط کے تار‘ دیکھو

عرفان صدیقی

گرفت ثابت و سیار سے نکل آیا
میں اک کرن تھا شبِ تار سے نکل آیا
ہے کہیں صبحِ خوش آثار بھی لیکن فی الحال
میرے آگے تو شبِ تار ہے میں کیا جانوں

مصطفی زیدی

میری آنکھوں کی طرف دیکھ رہے ہیں انجم
جیسے پہچان گئی روح شبِ تار مجھے

احسان دانش

نہ جانے سحر یہ کیا تو نے چشمِ یار کیا
کہ میں نے ہوش کے جامے کو تار تار کیا

ادا جعفری

محبتوں سے تو پہلے ہی کیا توقع تھی
مروتوں کے بھی دامان تار تار ملے

اکبر معصوم

ہے دل کے نغمہ و نالہ سے اب گریز مجھے
ملا ہوا ہے کسی اور لے سے تار مرا

بہزاد لکھنوی

خود ہم نے فاش فاش کیا راز عاشقی
دامن کو تار تار کیا ہائے کیا کیا

احمد راہی

شب تیرہ و تار کا دامن
دیکھیے تار تار کون کرے

شاد عظیم آبادی

یہ اضطراب ہے کیوں ہے کدھر کا قصد اے روح
کہاں سے آئی طلب کس جگہ سے تار آیا

عزیز حامد مدنی

مطرب کو تازہ بیت سکھاؤ ہوا ہے نرم
گزرے کسی طرح تو شبِ تار کچھ کہو

فراق گورکھپوری

صبح شبِ ہجراں کی وہ چاک گریبانی
اک عالم نیرنگی ہر تارِ نظر آیا

قابل اجمیری

بقدر جوش جنوں تار تار بھی نہ کیا
وہ پیرہن جسے نذر بہار بھی نہ کیا

قتیل شفائی

نغموں کی تخلیق کا موسم بیت گیا
ٹوٹا ساز تو ہو گیا تار سے تار جدا
یہی دل فریب تجلیاں مجھے دو جہاں سے عزیز ہوں
مگر اے جمالِ سحر نما مرا گھر جو تیرہ و تار ہے
خیال جبہ و دستار بھی نہیں باقی
وہ کشمکش ہے کہ اک تار بھی نہیں باقی

محسن احسان

اب کے خورشید نے برسائی ہے وہ تاریکی
سر برہنہ نکل آئی ہے شبِ تار کہ بس
ایسے خورشید کی بھی ہم نے پذیرائی کی
جو دمِ صبح نکلتا ہے شبِ تار کے ساتھ

ناصر کاظمی

لہو کی شمعیں جلاؤ قدم بڑھائے چلو
سروں پہ سایہِ شب ہائے تار اگر ہے بھی