مرزا غالب

ابر روتا ہے کہ بزمِ طرب آمادہ کرو
برق ہنستی ہے کہ فرصت کوئی دم دے ہم کو
جسے نصیب ہو روزِ سیاہ میرا سا
وہ شخص دن نہ کہے رات کو تو کیوں کر ہو
ہوں کشمکشِ نزع میں ہاں جذبِ محبت
کچھ کہہ نہ سکوں، پر وہ مرے پوچھنے کو آئے

حیدر علی آتش

اے بادشاہِ حسن فقیروں کی طرح سے
عاشق دعائے خیر تجھے کو بہ کو کریں

داغ دہلوی

میری رسوائی کی نوبت آ گئی
ان کی شہرت کو بہ کو ہونے لگی

مصحفی غلام ہمدانی

بلبلِ کی طرح گل پہ نہ ہوں زمزمہ پرواز
قمری کی طرح سرو پہ کو کو نہ کروں میں

جون ایلیا

میں یہاں مدتوں میں آیا ہوں
ایک ہنگامہ کو بہ کو ٹھہرے
اک جنوں تھا کہ آباد ہو شہرِ جاں اور آباد جب شہرِ جاں ہو گیا
ہیں یہ سرگوشیاں در بہ در کو بہ کو تم کہاں جاؤ گے ہم کہاں جائیں گے

شکیب جلالی

راہ میں تھے ببول بھی‘ رودِ شرر بھی‘ دھول بھی
جانا ہمیں ضرور تھا‘ گل کے طواف کو گئے

عرفان صدیقی

سکوتِ خوف یہاں کو بہ کو پکارتا ہے
نہ اس کی تیغ نہ میرا لہو پکارتا ہے

مجید امجد

چاندنی میں سایہ ہائے کاخ و کو میں گھومیے
پھر کسی کو چاہنے کی آرزو میں گھومیے
عمروں کے اس معمورے میں ہے کوئی ایسا دن بھی جو
روح میں ابھرے ، پھاند کے سورج کے سیال سمندر کو
دنیا جڑی تڑی سچائی، سب سچے ، کوئی تو کبھی
اس اندھیر سے نکلے اپنے جھوٹے روپ کے درشن کو
گٹھڑی کالی رین کی سونٹی سے لٹکائے
اپنی دھن میں دھیان نگر کو گئے کیا کیا لوگ

ادا جعفری

ہم سفر بھی ہیں رہ گزر بھی ہے
یہ مسافر ہی کو بہ کو ہے ابھی

ضیا جالندھری

اے دل نشیں تلاش تری کو بہ کو نہ تھی
اپنے سے اک فرار تھا وہ جستجو نہ تھی

عالم تاب تشنہ

تو اپنی ذات کے ہر پیچ و خم سے پوچھ کے دیکھ
قدم قدم مری آہٹ تھی کو بہ کو میں تھا

علی سردار جعفری

مہک رہی ہے غزل ذکر زلف خوباں سے
نسیمِ صبح کی مانند کو بہ کو کہیے

فارغ بخاری

کہ جیسے بھیگے پروں سے اڑانیں چھن جائیں
دلوں کی سوزش بے نام کو بہ کو بھی نہیں

جلیل مانک پوری

ہائے پوچھو نہ تصور کے مزے
گود میں تم کو لیے بیٹھے ہیں

خاطر غزنوی

اجنبی نظروں کے شعلے ہر طرف پھیلے ہوئے
دشمنِ جاں راہ و منزل کاخ و کو میں اور تو
نفرتوں کی گرد رستہ کاٹتی ہر موڑ پر
عشق کی خوشبو میں اڑتے کو بہ کو میں اور تو

شاد عظیم آبادی

دل کی پروا تک نہیں اے بے خودی
کیا کیا پھینکا کہاں کس کو دیا
کچھ نہ کچھ اس انجمن میں حسبِ حال
تو نے قسام ازل سب کو دیا

احمد فراز

ابھی کچھ دیر پہلے تک یہیں تھے
زمانہ ہو گیا تم کو گئے کیا

محسن احسان

خود اپنی ذات کی تشہیر کو بہ کو کیے جائیں
خدا ملے نہ ملے اس کی جستجو کیے جائیں

محسن نقوی

بجز موجِ فنا دنیا میں محسنؔ
ہماری جستجو کس کو رہی تھی

ناصر کاظمی

مسلسل بے کلی دل کو رہی ہے
مگر جینے کی صورت تو رہی ہے
شہر میں اب ہمارے چرچے ہیں
جگمگاتے ہیں کاخ و کو ہم سے