مرزا غالب

بچتے نہیں مواخذۂِ روزِ حشر سے
قاتل اگر رقیب ہے تو تم گواہ ہو

انشاء اللہ خان انشا

ہماری چوری جو ثابت ہوئی دلیل بھی کچھ
مقر نہیں کوئی شاہد نہیں گواہ نہیں

حیدر علی آتش

جو کہ حق وفا بجا لائے
شاہد اللہ ہے گواہ ہو تم

داغ دہلوی

کہاں تھے رات کو ہم سے ذرا نگاہ ملے
تلاش میں ہو کہ جھوٹا کوئی گواہ ملے
بلا سے دعوی الفت نہ پیش کرتے ہم
ملے ہوئے ہیں جو دشمن سے وہ گواہ ملے

مصحفی غلام ہمدانی

خجلت یہ ہوئی کہ محکمے سے
شرمندہ مرے گواہ نکلے
دی ضبط میں جب کہ مصحفیؔ جاں
شرم اس کی گواہ ہم نے کر لی

جگر مراد آبادی

مجھ سے لگے ہیں عشق کی عظمت کو چار چاند
خود حسن کو گواہ کیے جا رہا ہوں میں
مجھ سے ادا ہوا ہے جگرؔ جستجو کا حق
ہر ذرے کو گواہ کیے جا رہا ہوں میں