مرزا غالب

نکوہش ہے سزا فریادی بیداد دلبر کی
مبادا خندۂِ دنداں نما ہو صبح محشر کی

امام بخش ناسخ

ہائے لایا نہ کوئی قاصد دلبر کاغذ
ہو گیا غم سے ہمارا تن لاغر کاغذ

بہادر شاہ ظفر

نہ جاتے گرچہ مر جاتے جو ہم معلوم کر جاتے
کہ اتنا تنگ جا کر کوچہ دلبر میں آویں گے

مصطفٰیٰ خان شیفتہ

اے اجل نیم نگہ کی تو مجھے مہلت دے
اہلِ ماتم میں یہ چرچا ہے کہ دلبر آیا
دشمن سے ہے میرے دلِ مضطر کی شکایت
کیوں کر نہ کروں شوخیِ دلبر کی شکایت

عرفان صدیقی

کتنے بے مہر ہیں اس شہر کے قاتل عرفانؔ
پھر اسی کوچۂ دلبر کی طرف لوٹ چلو

رئیس فروغؔ

اپنی تو کوئی چاہت ہی نہیں
بس یہ ہے کہ جو دلبر چاہے

حفیظ ہوشیارپوری

غم آفاق ہے رسوا غمِ دلبر بن کے
تہمتِ عشق لگی ہم پہ سخن ور بن کے

ناصر کاظمی

رنجِ سفر کی کوئی نشانی تو پاس ہو
تھوڑی سی خاکِ کوچہِ دلبر ہی لے چلیں