مرزا غالب

ہماری سادگی تھی التفاتِ ناز پر مرنا
ترا آنا نہ تھا ظالم مگر تمہید جانے کی

داغ دہلوی

ناصح سے کوئی کہہ دے کیجے کلام ایسا
حضرت کو تا کہ کوئی یہ جانے آدمی ہیں

مصحفی غلام ہمدانی

رقص میں اس کے سنجاف سرخ کے عالم کو دیکھ
شعلۂ جوالہ دامن سے لپٹ جانے لگا
جب تک کہ تری گالیاں کھانے کے نہیں ہم
اٹھ کر ترے دروازے سے جانے کے نہیں ہم

میر مہدی مجروح

جلوۂِ یار نے کیا بے خود
ہم تو آتے ہی ان کے جانے لگے
کیا کہیں آمد بہار ہوئی
کیوں گریباں پہ ہاتھ جانے لگے
ہم کو ربط‌ گزشتہ یاد آئے
وہ جو بن ٹھن کے گھر سے جانے لگے
آج مجروحؔ ضبط کر نہ سکا
کیا کرے جب کہ جان جانے لگے
مگر ان پہ رازِ محبت کھلا
جو مجروحؔ سے بچ کے جانے لگے

فیض احمد فیض

پھر نظر میں پھول مہکے ، دل میں پھر شمعیں جلیں
پھر تصور نے لیا اس بزم میں جانے کا نام
دیر سے آنکھ پہ اترا نہیں اشکوں کا عذاب
اپنے ذمے ہے ترا فرض نہ جانے کب سے

باقی صدیقی

نسیم گزری ہے زنداں سے اس طرح باقیؔ
شکستِ دل کی صدا دور دور جانے لگی
رخ بدلنے لگا فسانے کا
لوگ محفل سے اٹھ کے جانے لگے
نظر اے فقیر سرِ راہ پر بھی
طواف حرم کے لیے جانے والے
ڈر کے حالات سے دامن کو بچانے والے
ہم ترے واسطے مقتل میں تھے جانے والے
تیرے در تک نہیں جانے پاتے
ہم کہاں اور ٹھکانے پاتے
لوگ غربت کا گلہ کرتے ہیں
ہم وطن سے نہیں جانے پاتے
اک ستارہ بھی آسماں پہ نہیں
کیا کوئی وقت ہے یہ جانے کا

جون ایلیا

کیا کہوں جان کو بچانے میں
جونؔ خطرہ ہے جان جانے کا
مجھے غرض ہے مری جان غل مچانے سے
نہ تیرے آنے سے مطلب نہ تیرے جانے سے
گلا تو یہ ہے تم آتے نہیں کبھی لیکن
جب آتے بھی ہو تو فوراً ہی جانے لگتے ہو
ہم کہیں کے بھی نہیں پر یہ ہے روداد اپنی
ہم کہیں سے بھی نہ جانے کے لیے نکلے ہیں

عبدالحمید عدم

ایک دل کش زہر سے لبریز پیمانے کا نام
زندگی کیا ہے خوشی سے جل کے مر جانے کا نام

قمر جلالوی

پھر نہ طوفان اٹھیں گے نہ گرے گی بجلی
یہ حوادث ہیں غریبوں ہی کے مٹ جانے تک
ان کو کوسے دے رہے ، ہو خود، ہیں جو جینے سے تنگ
زندگی رکھا ہے جن لوگوں نے مر جانے کا نام
اس ہوا میں قوتِ پرواز سے آگے نہ بڑھ
ہے قفس آزادیوں کی حد گزر جانے کا نام
یاد رکھیں گے تمھاری بزم میں آنے کو ہم
بیٹھنے کے واسطے اغیار اٹھ جانے کو ہم
رکھ کے تنکے ڈر رہے ہیں کیا کہے گا باغباں
دیکھتے ہیں آشیاں کی شاخ جھک جانے کو ہم
دو گھڑی کے واسطے تکلیف غیروں کو نہ دے
خود ہی بیٹھے ہیں تری محفل سے اٹھ جانے کو ہم
آپ قاتل سے مسیحا بن گئے اچھا ہوا
ورنہ اپنی زندگی سمجھے تھے مر جانے کو ہم
کچھ نظر نہیں آتا ان کے منہ چھپانے سے
ہر طرف اندھیرا ہے چاند ڈوب جانے سے
مے خانے میں دنیا دنیا آئے دنیا سے کچھ کام نہیں
جام اسی کو ے گا ساقی جس کو ساقی جانے ہے
جام نہ دینے کی باتیں ہیں ورنہ مجھ کو ویسے تو
ساقی جانے میکش جانے مے خانہ بھر جانے ہے
کون قمر سے ہے بیگانہ اہلِ زمیں یا اہلِ فلک
ذرہ ذرہ اس سے واقف تارا تارا جانے ہے
کائناتِ عشق اک دل کے سواِ کچھ بھی نہیں
وہ ہی آنے کے لیے ہے وہ ہی جانے کے لیے
تم اپنی ٹھوکریں کا ہے کو روکو دل کو کیوں مارو
ہمیں جب مٹ گئے تو قبر مٹ جانے سے کیا ہو گا
بڑی رنگینیاں تھیں اول شب ان کی محفل میں
بتاؤ بزم والو رات ڈھل جانے پہ کیا گزری
مرا دل جانتا ہے دونوں منظر میں نے دیکھے ہیں
ترے آنے پہ کیا گزری ترے جانے پہ کیا گزری

عرفان صدیقی

رائیگاں ہو گئے لمحے ترے پاس آنے کے
دکھ ابھی تازہ ہیں اوروں سے بچھڑ جانے کے
جس شہر سے اس نے کوچ کیا
ہم کون وہاں رہ جانے کو ہیں
یہ کون ہے کہ جو تنہائی پر بھی راضی ہے
یہ قتل گاہ سے واپس نہ جانے والا کون

مجید امجد

کبھی تو میری دنیا سے بھی گزرو
لیے آنکھوں میں ان جانے زمانے