مرزا غالب

ہے غنیمت کہ بہ امید گزر جائے گی عمر
نہ ملے داد، مگر روز جزاً ہے تو سہی

مصطفٰی خان شیفتہ

بے پردہ ان کے آنے سے حیرت ہوئی مجھے
وصلِ عدو کی رات تھی روز جزاً نہ تھا

مومن خان مومن

شبِ وصلِ عدو کیا کیا جلا ہوں
حقیقت کھل گئی روزِ جزا کی

فیض احمد فیض

دردِ شبِ ہجراں کی جزا کیوں نہیں دیتے
خونِ دلِ وحشی کا صلا کیوں نہیں دیتے
وہ بتوں نے ڈالے ہیں وسوسے کہ دلوں سے خوفِ خدا گیا
وہ پڑی ہیں روز قیامتیں کہ خیال روز جزاً گیا
ہر اک شب، ہر گھڑی گزرے قیامت یوں تو ہوتا ہے
مگر ہر صبح ہو روز جزاً ایسے نہیں ہوتا

یگانہ چنگیزی

کھلا آخر فریب مے چلا جب درد کا ساغر
بندھا زور خمار اندیشۂ روزِ جزا ہو کر

الطاف حسین حالی

ہم دکھا دیں گے کہ زاہد اور ہے نیکی کچھ اور
کچھ بہت دور نہیں روزِ جزا اے زاہد

اسرار الحق مجاز

سعی تدبیر میں مضمر ہے اک آہ جاں سوز
اس کا انعام سزا ہو کہ جزا ہو ساقی

عالم تاب تشنہ

میں نے مجنوں کو دیا درس سلوک عاشقی
چاک داماں کو محبت کی جزا میں نے کیا

عبید اللہ علیم

جو اس نے کیا اسے صلہ دے
مولا مجھے صبر کی جزا دے