مرزا غالب

ساقی گری کی شرم کرو آج، ورنہ ہم
ہر شب پیا ہی کرتے ہیں مے جس قدر ملے

حیدر علی آتش

فاتحہ پڑھنے کو آئے قبر آتشؔ پر نہ یار
دو ہی دن میں پاس الفت اس قدر جاتا رہا
مطلب نہ سر نوشت کا سمجھا تو شکر کر
دیوانہ ہو جو حال قضا و قدر کھلے

داغ دہلوی

جلوۂِ یار کی نہ تاب ہوئی
ٹوٹ آئیں ہیں کس قدر آنکھیں

شیخ ابراہیم ذوق

صدا ہے خوں میں بھی منصور کے انا الحق کی
کہے اگر کوئی توحید اس قدر تو کہے

مصحفی غلام ہمدانی

تو دیکھے تو اک نظر بہت ہے
الفت تری اس قدر بہت ہے

فیض احمد فیض

وفا سے وعدہ نہیں، وعدہ دگر بھی نہیں
وہ مجھ سے روٹھے تو تھے لیکن اس قدر بھی نہیں

باقی صدیقی

میکدہ اور مہیب سناٹا
بے رخی اور اس قدر ساقی

جگر مراد آبادی

عشق ہی تنہا نہیں شوریدہ سر میرے لیے
حسن بھی بیتاب ہے اور کس قدر میرے لیے

الطاف حسین حالی

یا رب اس اختلاط کا انجام ہو بخیر
تھا اس کو ہم سے ربط مگر اس قدر کہاں

زہرا نگاہ

جدائیاں تو یہ مانا بڑی قیادت ہیں
رفاقتوں میں بھی دکھ کس قدر ہے کیا کہیے

حفیظ ہوشیارپوری

کہیں یہ ترکِ محبت کی ابتدا تو نہیں
وہ مجھ کو یاد کبھی اس قدر نہیں آئے

سید ضمیر جعفری

اپنی خبر نہیں ہے بجز اس قدر مجھے
اک شخص تھا کہ مل نہ سکا عمر بھر مجھے

قابل اجمیری

پھر کوئی کم بخت کشتی نذرِ طوفاں ہو گئی
ورنہ ساحل پر اداسی اس قدر ہوتی نہیں

ناصر کاظمی

جھوٹی امید کا فریب نہ کھاؤ
رات کالی ہے کس قدر دیکھو

نوح ناروی

کب اہلِ عشق تمہارے تھے اس قدر گستاخ
انہیں تمہیں نے کیا چھیڑ چھیڑ کر گستاخ
یہ تجربے نے بتایا یہ عادتوں سے کھلا
وہ جس قدر ہے مہذب اسی قدر گستاخ