ہجومِ شہر میں گھٹنے لگا ہے دم اب تو
باقی صدیقی
نگار دشت کی جانب کوئی قدم اب تو
ہجومِ شہر میں گھٹنے لگا ہے دم اب تو
کھڑا ہوں دل کے دوارہے پہ ہاتھ پھیلائے
چھپائے چھپتے نہیں زندگی کے غم اب تو
نئے خیال نئے فاصلوں کے ساتھ آئے
نہمل سکیں گے کسی راستے پہ ہم اب تو
مسافران محبت کا انتظار نہ کر
کہ دل میں آ گئے راہوں کے پیچ و خم اب تو
نکل گیا ہے سفینہ ترا کدھر باقیؔ
صدائیں آتی ہیں ساحل سے دم بہ دم اب تو
مفاعِلن فَعِلاتن مفاعِلن فِعْلن
مجتث مثمن مخبون محذوف مسکن