مرزا غالب

فائدہ کیا؟ سوچ، آخر تو بھی دانا ہے اسدؔ
دوستی ناداں کی ہے ، جی کا زیاں ہو جائے گا

مصطفٰی خان شیفتہ

ناحق وہ جی جلاتے ہیں سودائے عشقِ پر
جن کو یہ سوچ ہے کہ کچھ اس میں زیاں نہ ہو

باقی صدیقی

غم کے ہر موڑ پہ تیری باتیں
یاد آتی ہیں زیاں کی صورت
سود یاد آیا، زیاں یاد آیا
پھر جہانِ گزراں یاد آیا
دل کے مٹنے لگے نشاں دیکھو
سود دیکھا ہے اب زیاں دیکھو
دل کا یا جی کا زیاں کرنا پڑے
کچھ نہ کچھ نذر جہاں کرنا پڑے
کہاں کا سود کہ اپنا خیال بھی نہ رہا
زیاں کی فکر میں ہم ہر زیاں کے ساتھ چلے
خیال سود احساسِ زیاں تک ساتھ دیتا ہے
یقیں کتنا ہی پختہ ہو گماں تک ساتھ دیتا ہے
جس کو تیری رضا سے مطلب ہے
سود دیکھے نہ وہ زیاں دیکھے

جون ایلیا

نہ تو دل کا نہ جاں کا دفتر ہے
زندگی اک زیاں کا دفتر ہے

جگر مراد آبادی

جب کوئی عشق میں برباد جہاں ہوتا ہے
مجھ کو محسوس خود اپنا ہی زیاں ہوتا ہے
دل غنی ہو تو ہر اک رنج بھی دل کی راحت
ذہن مفلس ہو تو ہر سود زیاں ہوتا ہے
یہی وہ منزلِ دشوار ہے جس منزل میں
ختم ہر مرحلۂ سود و زیاں ہوتا ہے

سراج الدین ظفر

شوق میں ضبط ہے ملحوظ مگر کیا معلوم
کس گھڑی بے خبر سود و زیاں ہو جاؤں

عرفان صدیقی

تجھ کو بھی اے ہوائے شب جی کا زیاں بہت ہوا
بجھ تو گیا مگر چراغ شعلہ فشاں بہت ہوا
کبھی طلب ہی نہ کی دوستوں سے قیمت دل
سو کاروبار میں ہم کو زیاں کبھی نہ ہوا

الطاف حسین حالی

آنے لگا جب اس کی تمنا میں کچھ مزا
کہتے ہیں لوگ جان کا اس میں زیاں ہے اب

جمال احسانی

باب عمر رائیگاں کی لوح پر
حرف احساسِ زیاں آباد ہے

عالم تاب تشنہ

کہیے نم ہے کہ نہیں چشم ندامت آثار
قافلے والوں کو احساسِ زیاں ہے کہ نہیں

علی سردار جعفری

کچھ کمی نہیں لیکن کوئی کچھ تو بتلاؤ
عشق اس ستم گر کا شوق کا زیاں کیوں ہے
یہ ہے بزمِ مے نوشی اس میں سب برابر ہیں
پھر حساب ساقی میں سود کیوں زیاں کیوں ہے

فارغ بخاری

اب کون سرِ دار نظر آئے گا فارغؔ
جب اہلِ جنوں سود و زیاں تک نکل آئے

تلوک چند محروم

ادھر بھی ایک جھونکا اے ہوائے فصل آزادی
رہوں زنجیری اندیشۂ سود و زیاں کب تک

حفیظ جالندھری

نصیحت گر کو سمجھاؤ خدارا
کہ اس سود و زیاں والے نے مارا

رسا چغتائی

زمیں اپنی کہانی کہہ رہی ہے
الگ اندیشۂ سود و زیاں سے

فراق گورکھپوری

جان دے بیٹھے تھے اک بار ہوس والے بھی
پھر وہی مرحلۂ سود و زیاں ہے کہ جو تھا
جان دے بیٹھے تھے اک بار ہوس والے بھی
پھر وہی مرحلۂ سود و زیاں ہے کہ جو تھا

قابل اجمیری

ازل سے کر رہی ہے زندگانی تجربے لیکن
زمانہ آج تک سمجھا نہیں سود و زیاں اپنا
آج قابلؔ مے کدے میں انقلاب آنے کو ہے
اہلِ دل اندیشۂ سود و زیاں تک آ گئے
مظہر تہذیب ہے اک ایک تارِ پیرہن
بس یونہی اندازۂ سود و زیاں کرتے چلو

محسن احسان

اک اضطرابِ مسلسل میں کٹ رہی ہے حیات
شکار سازش سود و زیاں ہوا ہے یہ دل

محسن نقوی

اب کے بارش میں تو یہ کار زیاں ہونا ہی تھا
اپنی کچی بستیوں کو بے نشاں ہونا ہی تھا

ناصر کاظمی

کچھ توں احساسِ زیاں تھا پہلے
دل کا یہ حال کہاں تھا پہلے