مرزا غالب

یعنی بہ حسبِ گردشِ پیمانۂِ صفات
عارف ہمیشہ مستِ مئے ذات چاہیے

انشاء اللہ خان انشا

آنے اٹک اٹک کے لگی سانس رات سے
اب ہے امید صرف خدا ہی کی ذات سے
دس عقل دس مقولے دس مدرکات تیسوں
تیرے ہی ذکر میں ہیں اے پاک ذات تیسوں

حیدر علی آتش

لب کے بوسہ کا ہے انکار تعجب اے یار
پھیرے سائل سے جو منہ کو وہ تری ذات نہ تھی

مصحفی غلام ہمدانی

دیں گالیاں جو تو نے صنم اک غریب کو
کیا گالیاں دیے سے تری ذات بڑھ گئی
ولد القحبہ سے پوچھو نہ، تری ذات ہے کیا
بیج میں اس کے ہیں مخلوط کئی ذات کے بیج
بستر شیخ پہ جو کونچ کی پھلیاں نکلیں
تھے چھپائے ہوئے شاید اسی بد ذات کے بیج
ہوتے ہوئے دشمن کے کہوں کیوں کے میں کچھ بات
مجلس سے تری دفعہ یہ بد ذات کہیں ہو
ہووے گا نہ یہ ہستی فانی کا بکھیڑا
اک روز یہ ہو گا کہ تری ذات ہے اور تو
ہم لوگ صفات اس کی بیاں کرتے ہیں ورنہ
ہے وہم و خرد سے بھی پرے ذات کا عالم

مصطفٰی خان شیفتہ

یاں خار و خس کو بے ادبی سے نہ دیکھنا
ہاں عالمِ شہود ہے آئینہ ذات کا

فیض احمد فیض

میدانِ وفا دربار نہیں یاں‌ نام و نسب کی پوچھ کہاں
عاشق تو کسی کا نام نہیں، کچھ عشق کسی کی ذات نہیں

مرزا رفیع سودا

ملنے نہ دے گا ہم سے تجھے ایک دم رقیب
پیچھے لگا پھرے ہے وہ بد ذات بے طرح

باقی صدیقی

پھر رخ بدل دیا غمِ ہستی نے دہر کا
پھر زیرِ بحث آ کے تری ذات رہ گئی

سراج الدین ظفر

کچھ تو کھلے کہ کیا ہے پسِ پردہ حیات
کوئی پتا تو آئنۂ حسن ذات دے

عبدالحمید عدم

خدا نے گڑھ تو دیا عالمِ وجود مگر
سجاؤٹوں کی بنا عورتوں کی ذات ہوئی

عرفان صدیقی

یہ کائنات مرے بال و پر کے بس کی نہیں
تو کیا کروں سفرِ ذات کرتا رہتا ہوں
میں ڈوب گیا جب ترے پیکر میں تو ٹوٹا
یہ وہم کو تو خود ہی مری ذات میں گم ہے

مصطفی زیدی

عشق ان ظالموں کی دنیا میں
کتنی مظلوم ذات ہے اے دل

الطاف حسین حالی

قیس ہو کوہ کن ہو یا حالیؔ
عاشقی کچھ کسی کی ذات نہیں

بشیر بدر

اک پری کے ساتھ موجوں پر ٹہلتا رات کو
اب بھی یہ قدرت کہاں ہے آدمی کی ذات کو

ضیا جالندھری

آنکھوں میں نہاں ہے جو مناجات وہ تم ہو
جس سمتِ سفر میں ہے مری ذات وہ تم ہو

عبید اللہ علیم

کچھ آئینے سے رکھے ہوئے ہیں سر وجود
اور ان میں اپنا جشن مناتی ہے میری ذات
ایسی تیز ہوا اور ایسی رات نہیں دیکھی
لیکن ہم نے مولا جیسی ذات نہیں دیکھی

علی سردار جعفری

نارِ نمرود یہی اور یہی گلزار خلیل
کوئی آتش نہیں آتش کدۂ ذات کے بعد

غلام محمد قاصر

پہلے اک شخص میری ذات بنا
اور پھر پوری کائنات بنا