امام بخش ناسخ

جان ہم تجھ پہ دیا کرتے ہیں
نام تیرا ہی لیا کرتے ہیں
سنگ اسود بھی ہے بھاری پتھر
لوگ جو چوم لیا کرتے ہیں
دفن محبوب جہاں ہیں ناسخؔ
قبریں ہم چوم لیا کرتے ہیں

مصطفٰی خان شیفتہ

دستِ عدو سے شب جو وہ ساغر لیا کیے
کن حسرتوں سے خون ہم اپنا پیا کیے
تشبیہ دیتے ہیں لب جاں بخش یار سے
ہم مرتے مرتے نام مسیحا لیا کیے

مومن خان مومن

بوالہوس اور لاف جانبازی
کھیل کیسا سمجھ لیا ہے عشق

جون ایلیا

مجھ کو عادت ہے روٹھ جانے کی
آپ مجھ کو منا لیا کیجے
آج مجھ کو بہت برا کہہ کر
آپ نے نام تو لیا میرا

قمر جلالوی

اب تو پردے کو اٹھا دو مری لاش اٹھتی ہے
دیکھو اس وقت میں منہ دیکھ لیا کرتے ہیں

الطاف حسین حالی

کر کے بیمار دی دوا تو نے
جان سے پہلے دل لیا تو نے
شیخ جب دل ہی دیر میں نہ لگا
آ کے مسجد سے کیا لیا تو نے

رئیس فروغؔ

مرا بدن جس کو چاہتا تھا
کسی نے وہ زہر پی لیا ہے

ادا جعفری

آگے حریم غم سے کوئی راستہ نہ تھا
اچھا ہوا کہ ساتھ کسی کو لیا نہ تھا
آگے حریم غم سے کوئی راستہ نہ تھا
اچھا ہوا کہ ساتھ کسی کو لیا نہ تھا

بشیر بدر

نظم غزل افسانہ گیت اک طرح ہی غم تھا جس کو ہم نے
کیسا کیسا نام دیا ہے کیسے کیسے بانٹ لیا ہے
مجبوری تھی صبر کیا ہے پاؤں کو توڑ کے بیٹھ رہے ہیں
نگری نگری دیکھ چکے ہیں دوارے دوارے جھانک لیا ہے

بیان میرٹھی

میں نے کہا کنار ناز چاہئے اس غمیں سے پر
سن کے رقیب زشت کو پاس بٹھا لیا کہ یوں

زہرا نگاہ

سفر خود رفتگی کا بھی عجب انداز تھا
کہیں پر راہ بھولے تھے نہ رک کر دم لیا تھا

سدرشن فاکر

اب گرے سنگ کہ شیشوں کی ہو بارش فاکرؔ
اب کفن اوڑھ لیا ہے کوئی افسوس نہیں

عالم تاب تشنہ

یہ کہنا ہار نہ مانی کبھی اندھیروں سے
بجھے چراغ تو دل کو جلا لیا کہنا

ماجد صدیقی

بدلا ہے گلستاں نے نیا پیرہن اگر
گدڑی پہ ہم نے بھی نیا ٹانکا لگا لیا
ہر اک نظر پہ کھول دیا تو نے اپنا آپ
دل کا جو بھید تھا اسے ماتھے پہ لکھ لیا
اپنے احساس نے اک روپ بدل رکھا ہے
بت کی صورت جسے ہم پوج لیا کرتے ہیں
ٹنڈ شجر اور شاخیں، اجڑی آنکھیں جیسے بیوہ کی
کس موسم کا ماتھا ماجدؔ میں نے بڑھ کر چوم لیا

خاطر غزنوی

شاید تجھے خبر ہو کہ خاطرؔ تھا اجنبی
لوگوں نے اس کو لوٹ لیا تیرے شہر میں

سیماب اکبر آبادی

تم درد کے خالق ہو میں درد کا بندہ ہوں
جب نام لیا ہو گا دل تھام لیا ہو گا

شکیل بدایونی

اب اور اس کے سوا نہ ہو گی قفس میں تسکینِ دل کی صورت
چمن کی جانب نظر اٹھا کر کبھی کبھی ہنس لیا کریں گے
دل ربا ہوتے ہیں جن کے آخری لمحات زیست
اکثر ان پھولوں سے دامن بھر لیا کرتا ہوں میں

احمد فراز

اب کیا سوچیں کیا حالات تھے کس کارن یہ زہر پیا ہے
ہم نے اس کے شہر کو چھوڑا اور آنکھوں کو موند لیا ہے
خلقت کے آوازے بھی تھے بند اس کے دروازے بھی تھے
پھر بھی اس کوچے سے گزرے پھر بھی اس کا نام لیا ہے

قتیل شفائی

مل جل کے برہنہ جسے دنیا نے کیا ہے
اس درد نے اب میرا بدن اوڑھ لیا ہے

محسن نقوی

ہر وقت کا ہنسنا تجھے برباد نہ کر دے
تنہائی کے لمحوں میں کبھی رو بھی لیا کر

ناصر کاظمی

میں وہ صبرِ صمیم ہوں جس نے
بارِ امانت سر پہ لیا تھا
گرد نے خیمہ تان لیا تھا
دھوپ کا شیشہ دھندلا سا تھا
ایک وہ دن جب بیٹھے بیٹھے
تجھ کو وہم نے گھیر لیا تھا
تھوڑی دیر کو جی بہلا تھا
پھر تری یاد نے گھیر لیا تھا
شہر سے دور ہرے جنگل میں
بارش نے ہمیں گھیر لیا تھا
ایسا گاہک کون ہے جس نے
سکھ دے کر دکھ مول لیا ہے