انشاء اللہ خان انشا

ارے انشاؔ اب جو یہ دور ہے تری وضع ان دنوں اور ہے
یہ بھی کوئی زیست کا طور ہے نہ شراب ہے نہ کباب ہے

بہادر شاہ ظفر

جگر کے ٹکڑے ہوئے جل کے دل کباب ہوا
یہ عشق جان کو میرے کوئی عذاب ہوا

شیخ ابراہیم ذوق

کہاں تلک کہوں ساقی کہ لا شراب تو دے
نہ دے شراب ڈبو کر کوئی کباب تو دے
دل برشتہ کو میرے نہ چھوڑو مے خوارو
جو لذت اس میں ہے ایسا مزا کباب تو دے
واعظا چھوڑ ذکر نعمت خلد
کہہ شراب و کباب کی باتیں

مصحفی غلام ہمدانی

اگر اس میں تو سہ غزلہ جو کہے تو کام بھی ہے
نہیں مصحفیؔ مزہ کیا جو دو رو کباب الٹا
سینے میں جو دل کی کی تفحص
جز دود کباب کچھ نہ نکلا
سر آتش جو اشک ریزاں تھا
کسی عاشق کی تھی کباب میں جان

عبدالحمید عدم

کیا ضرورت ہے بحث کرنے کی
کیوں کلیجا کباب کرتے ہو