بہادر شاہ ظفر

مضمون وصل و ہجر جو نامہ میں ہے رقم
ہے حرف بھی کہیں سے ملے اور کہیں سے دور

مصحفی غلام ہمدانی

جب اٹھ گئی ضد تو ہر سخن میں
سمجھا تو کہیں کہیں میں سمجھا

مصطفٰی خان شیفتہ

یہ کیسا تفرقہ ہجراں نے ڈالا
کہیں کیا ہم کہیں ہیں دل کہیں ہے
آج ہی اٹھ کر یہاں سے کیا عدو کے گھر گیا
مہر وش شب کو کہیں، دن کو کہیں تو کب نہ تھا
میں پریشاں گرد اور محفل نشیں تو کب نہ تھا
ہر کہیں کس دن نہ تھا میں، ہر کہیں تو کب نہ تھا

فیض احمد فیض

ذکر دوزخ، بیانِ حور و قصور
بات گویا یہیں کہیں کی ہے

مرزا رفیع سودا

ایک ہم سے تجھے نہیں اخلاص
گھر بہ گھر تجھ کو ہر کہیں اخلاص

باقی صدیقی

روداد حیات کیا سنائیں
ہے یاد مگر ہیں کہیں سے
تنگ آ کر مری خاموشی سے
چیخ اٹھیں نہ در و بام کہیں
یہ آگ آگ ہوائیں یہ سرخ سرخ زمیں
مسافروں کے ارادے بدل نہ جائیں کہیں
رہتے ہیں تصور سے بھی اب دور کہیں لوگ
پہلے سے نہیں ہم کہ وہ پہلے سے نہیں لوگ
اس دور سے چپ چاپ گزر جا دلِ ناداں
احساس کی آواز بھی سن لیں نہ کہیں لوگ
زندگی بھی تو الجھتی ہے سیاست کی طرح
شعلہ ہوتا ہے کہیں آگ کہیں ہوتی ہے

جگر مراد آبادی

تا چند جوش عشق میں دل کی حفاظتیں
میری بلا سے اب وہ جنونی کہیں رہے

قمر جلالوی

مری وحشت کی شہرت جب زمانے میں کہیں ہوتی
گریباں پاؤں میں ہوتا گلے میں آستیں ہوتی
پسِ مردن مجھے تڑپانے والے دل یہ بہتر تھا
تری تربت کہیں ہوتی مری تربت کہیں ہوتی

عرفان صدیقی

تھکے ہوئے کسی لمبے سفر سے لوٹے ہیں
ہوائے تازہ ابھی ہم کہیں نہیں جاتے

رئیس فروغؔ

روئے زمیں پہ چار ارب میرے عکس ہیں
ان میں سے میں بھی ایک ہوں چاہے کہیں ہوں میں
روز میرے شہر میں
آگ لگتی ہے کہیں

ادا جعفری

مری زندگی کڑی دھوپ میں تو کٹی مگر
مری چھاؤں سا کوئی سائباں بھی کہیں ملا

بہزاد لکھنوی

مری رگ رگ میں یوں تو دوڑتی ہے عشق کی بجلی
کہیں ظاہر نہیں ہوتی کہیں معلوم ہوتی ہے

زہرا نگاہ

برسوں ہوئے تم کہیں نہیں ہو
آج ایسا لگا یہیں کہیں ہو

جلیل مانک پوری

اچھی کہی دل میں نے لگایا ہے کہیں اور
یہ جب ہو کہ تم سا ہو زمانے میں کہیں اور
گردوں پہ مہ و مہر گل و شمع زمیں پر
اک جلوۂ جاناں ہے کہیں اور کہیں اور
احباب جو کرتے ہیں کرم حال پہ میرے
کہتا ہے جنوں آئیے چل بیٹھیں کہیں اور
آنکھ اس نے ملائی تڑپ اٹھا دلِ مضطر
تاکا تھا کہیں اور پڑا تیر کہیں اور
ہم بھولے ہوئے راہ ہیں اے کعبہ نشینو
جاتے تھے کہیں اور نکل آئے کہیں اور

سلام مچھلی شہری

ذہن تازہ کے لیے ساز حقیقت چھیڑو
چین اسے صرف تخیل سے کہیں آئے گا

شبلی نعمانی

اثر کے پیچھے دل حزیں نے نشان چھوڑا نہ پھر کہیں کا
گئے ہیں نالے جو سوئے گردوں تو اشک نے رخ کیا زمیں کا

عزیز حامد مدنی

بیٹھو جی کا بوجھ اتاریں دونوں وقت یہیں ملتے ہیں
دور دور سے آنے والے رستے کہیں کہیں ملتے ہیں

فانی بدایونی

ایذا کے سوا لذت ایذا بھی ملے گی
کیوں جلوہ گہ ہوش یہاں دل بھی کہیں ہے

اختر ہوشیارپوری

کئی چٹانیں گداز جسموں میں اپنی گرمی سے ڈھل گئی تھیں
بتوں کے قصے میں تیشہ کاروں کا تذکرہ بھی کہیں کہیں تھا

احمد فراز

تھا کوئی یا نہیں تھا جو کچھ تھا
دل کے اندر کہیں تھا جو کچھ تھا