مرزا غالب

شکوۂِ یاراں غبارِ دل میں پنہاں کر دیا
غالب ایسے کنج کو شایاں یہی ویرانہ تھا

بہادر شاہ ظفر

روز معمورۂ دنیا میں خرابی ہے ظفرؔ
ایسی بستی کو تو ویرانہ بنایا ہوتا

حیدر علی آتش

واسطے ہر شے کے دنیا میں مقرر ہیں محل
شہر میں جب تک ہے مجنوں گنج بے ویرانہ ہے
بگولے کی طرح کس کس خوشی سے خاک اڑاتا ہوں
تلاش گنج میں جو سامنے ویرانہ آتا ہے
وہ شوخ نہاں گنج کی مانند ہے اس میں
معمورۂ عالم جو ہے ویرانہ ہے اس کا

یگانہ چنگیزی

دیر و حرم بھی ڈھ گئے جب دل نہیں رہا
سب دیکھتے ہی دیکھتے ویرانہ ہو گیا

باقی صدیقی

اپنی تنہائی پہ مر جانا پڑا
راہ میں کیسا یہ ویرانہ پڑا

جون ایلیا

اب وہ گھر اک ویرانہ تھا بس ویرانہ زندہ تھا
سب آنکھیں دم توڑ چکی تھیں اور میں تنہا زندہ تھا

سراج الدین ظفر

جنونِ عشق کو معراج پر پہنچا دیا ہم نے
ہے اپنے چاک پیراہن میں اک ویرانہ برسوں سے

قمر جلالوی

بھلا اہلِ جنوں سے ترکِ ویرانہ تو کیا ہو گا
خبر آئے گی ان کی ان کا اب آنا تو کیا ہو گا

عرفان صدیقی

وہ تو یہ کہیے کہ اک نام سخن میں آیا
پھول کھلتے ہی کہاں تھے سرِ ویرانۂ لب

مصطفی زیدی

کوئی تو غم گسار تھا کوئی تو دوست تھا
اب کس کے پاس جائیں کہ ویرانہ چھٹ گیا

علی سردار جعفری

خونِ دل سے چشمِ تر تک چشمِ تر سے تا بہ خاک
کر گئے آخر گل و گلزار ہر ویرانہ ہم

سیماب اکبر آبادی

کتنے دیوانے محبت میں مٹے ہیں سیمابؔ
جمع کی جائے جو خاک ان کی تو ویرانہ بنے

شاد عظیم آبادی

کعبہ بھی ہے ٹوٹا ہوا بت خانہ ہمارا
یا رب رہے آباد یہ ویرانہ ہمارا

شان الحق حقی

دل کا ٹھکانا ڈھونڈ لیا ہے اور کہاں اب جانا ہو گا
ہم ہوں گے اور وحشت ہو گی اور یہی ویرانہ ہو گا

شکیل بدایونی

دیکھا نگاہِ یاس سے جب گل کدے کا رنگ
ہر گل کی آڑ میں کوئی ویرانہ مل گیا

عزیز حامد مدنی

شہر جن کے نام سے زندہ تھا وہ سب اٹھ گئے
اک اشارے سے طلب کرتا ہے ویرانہ مجھے

امیر مینائی

ہم وہ فرہاد تھے کاٹا نئی صورت سے پہاڑ
حسن کا گنج لیا کھود کے ویرانۂ عشق

کیف بھوپالی

جائیے اب کیوں جانب صحرا
شہر تو خود ویرانہ پڑا ہے

کیفی اعظمی

ننگی سڑکوں پر بھٹک کر دیکھ جب مرتی ہے رات
رینگتا ہے ہر طرف ویرانہ تیرے شہر میں

محبوب خزاں

پھر کوئی تازہ گھروندا کسی ویرانے میں
گاؤں کو شہر کرو شہر کو ویرانہ کرو

مجروح سلطان پوری

پارۂ دل ہے وطن کی سرزمیں مشکل یہ ہے
شہر کو ویران یا اس دل کو ویرانہ کہیں

ناصر کاظمی

کوئی صورت آشنا اپنا نہ بیگانہ کوئی
کچھ کہو یارو یہ بستی ہے کہ ویرانہ کوئی