داغ دہلوی

پڑا ہوں سرِ بزم میں دم چرائے
مگر وہ اسے بے خودی جانتے ہیں

شیخ ابراہیم ذوق

کچھ کہہ رہا ہے ناصح کیا جانے کیا کہے گا
دیتا نہیں مجھے تو اے بے خودی سنائی

جگر مراد آبادی

کاروبار جہاں سنورتے ہیں
ہوش جب بے خودی سے ملتا ہے
کسی کی مست نگاہی نے ہاتھ تھام لیا
شریک حال جہاں میری بے خودی نہ ہوئی

عبدالحمید عدم

مے کدہ تھا چاندنی تھی میں نہ تھا
اک مجسم بے خودی تھی میں نہ تھا

قمر جلالوی

برباد طور بھی ہے موسیٰؑ ہیں بے خودی میں
بس اے ظہورِ جلوہ اب دم نہیں کسی میں

احسان دانش

جب نہ قصد خودی کے دریچے کھلے
اہلِ دل ہو لیے بے خودی کی طرف
رموز بے خودی سمجھے نہ اسرار خودی سمجھے
بڑی شے ہے اگر اپنی حقیقت آدمی سمجھے
نہیں ہٹتی نظر انجام عالم سے نہیں ہٹتی
اسے کوئی خودی گردان لے یا بے خودی سمجھے

اختر شیرانی

یہ وہ ساغر ہے صہبائے خودی سے پر نہیں ہوتا
ہمارے جام ہستی میں سرشک بے خودی بھی ہے

بہزاد لکھنوی

ساقی نگاہِ ناز سے للہ کام لے
سو جام پی چکا ہوں مگر بے خودی نہیں

بیخود بدایونی

کہیں بیخودؔ تمہاری خودداری
دشمن بے خودی نہ ہو جائے

زہرا نگاہ

مئے حیات میں شامل ہے تلخی دوراں
جبھی تو پی کے ترستے ہیں بے خودی کے لیے