شیخ ابراہیم ذوق

بزم میں ذکر مرا لب پہ وہ لائے تو سہی
وہیں معلوم کروں ہونٹ ہلائے تو سہی

مصحفی غلام ہمدانی

اس گلی میں جو ہم کو لائے قدم
پاؤں پڑتے ہی لڑکھڑائے قدم

مصطفٰیٰ خان شیفتہ

جنت میں پہنچیں بلبلیں، پروانے جل گئے
اب کون شمع گور پر اور کون لائے گل
کیا حاجت آفتاب کے گھر میں چراغ کی
ہے حکم شب کو بزم میں کوئی نہ لائے شمع

باقی صدیقی

ہم تری بزم سے بازار میں جب لائے گئے
دور تک ساتھ لپٹے ہوئے کچھ سائے گئے

شکیب جلالی

جو موتیوں کی طلب نے کبھی اداس کیا
تو ہم بھی راہ سے کنکر سمیٹ لائے بہت

عرفان صدیقی

پھر ایک جھونکا وہاں سے لگا کے لائے مجھے
پھر اک کرن اسی کوچے میں لے کے جائے مجھے

رئیس فروغؔ

خوشبو کو اپنے ساتھ ہوا لائے ہے صنم
یہ اور دل کے درد کو گہرائے ہے صنم

احسان دانش

ایک دو موڑ ہی مڑ کر انساں
بام گردوں کی خبر لائے گا
کبھی کبھی جو وہ غربت کدے میں آئے ہیں
مرے بہے ہوئے آنسو جبیں پہ لائے ہیں
فسونِ شعر سے ہم اس مہ گریزاں کو
خلاؤں سے سر کاغذ اتار لائے ہیں

بشیر بدر

تمہیں ضرور کوئی چاہتوں سے دیکھے گا
مگر وہ آنکھیں ہماری کہاں سے لائے گا

زہرا نگاہ

ہم جو پہنچے تو رہ گزر ہی نہ تھی
تم جو آئے تو منزلیں لائے

احمد راہی

دل کے سنسان جزیروں کی خبر لائے گا
درد پہلو سے جدا ہو کے کہاں جائے گا

ماجد صدیقی

ہم بھی ترے مدعی ہوئے تھے
ہم بھی غم ہجر ساتھ لائے

جوش ملیح آبادی

چھائی ہوئی ہے عشق کی پھر دل پہ بے خودی
پھر زندگی کو ہوش میں لائے ہوئے ہیں ہم

حفیظ جالندھری

وفا کا جوش تو کرتا چلا گیا مدہوش
قدم قدم پہ مجھے دوست ہوش میں لائے

حفیظ ہوشیارپوری

نہ جانے ان کے مقدر میں کیوں ہے تیرہ شبی
وہ ہم نوا جو سحر کو قریب تر لائے

شاد عظیم آبادی

آ چکے احباب اٹھانے میری لاش
ناز اس کو دیکھیے کب لائے گا
کم نہ سمجھو شوق کو اے شادؔ تم
اک نہ اک بڑھ کے یہ آفت لائے گا

شکیل بدایونی

لطف نگاہِ ناز کی تہمت اٹھائے کون
کچھ دیر کی بہار کو خاطر میں لائے کون

اختر ہوشیارپوری

یہ کیا کہ مجھ کو چھپایا ہے میری نظروں سے
کبھی تو مجھ کو مرے سامنے بھی لائے وہ

افضل منہاس

تو نے خود روزِ ازل ہم سے پناہیں مانگیں
زندگی ہم تجھے دامن میں چھپا لائے نہ تھے

فراق گورکھپوری

ہزار فتنۂ بیدار خواب رنگیں میں
چمن میں غنچۂ گل رنگ لائے ہیں کیا کیا

قتیل شفائی

میں اپنی ذات میں نیلام ہو رہا ہوں قتیلؔ
غمِ حیات سے کہہ دو خرید لائے مجھے
نیک لوگوں کے لیے موجود ہو تم اے خضر
میں اگر بھٹکا تو مجھ کو راہ پر لائے گا کون

کیفی اعظمی

ہے آج زمیں کا غسلِ صحت
جس دل میں ہو جتنا خون لائے

ناصر کاظمی

وہ روحِ خیال و جان مضموں
دل اس کو کہاں سے ڈھونڈ لائے