مصحفی غلام ہمدانی

ہوں شاہد تنزیہہ کے رخسار کا پردہ
یا خود ہی مشاہد ہوں کہ پردے میں چھپا ہوں
پردہ میں اٹھاتا نہیں زنہار کسی کا
اس ڈر سے کہیں تو ہی نہ پردے میں چھپا ہو
میں خیر ہے گر کہوں تو بولے
وہ دیکھ چھپا ہوا کھڑا ہے
زلف اگر دل کو پھنسا رکھتی ہے
آنکھ پردوں میں چھپا رکھتی ہے
آویں گے پھر بھی مصحفیؔ دیکھنے میرے گھر کبھی
اٹکا ہے اب تو ان سے جی گرچہ وہ منہ چھپا گئے
آتا ہوا جو دور سے دیکھا مجھے تو وے
رستے میں مجھ سے منہ کو چھپا کر چلے گئے
شام کے وقت تو کوٹھے پہ جو آتا ہے کبھی
دیکھ کر تجھ کو یہ خورشید چھپا جاتا ہے

مومن خان مومن

آفتِ جاں ہے کوئی پردہ نشیں
کہ مرے دل میں آ چھپا ہے عشق

میر مہدی مجروح

کیا جلوہ نما وہ مہ کوٹھے پہ ہوا آ کر
کچھ آج سویرے سے سورج ہے چھپا جاتا

فیض احمد فیض

رازِ الفت چھپا کے دیکھ لیا
دل بہت کچھ جلا کے دیکھ لیا

یگانہ چنگیزی

کیوں آنے لگے شاہد عصمت سرِ بازار
کیا خاک کے پردے میں چھپا بھی نہیں جاتا

باقی صدیقی

جائے گا جہاں تو مری آواز سنے گا
میں چور کی مانند ترے دل میں چھپا ہوں
اپنی آواز پہ چونک اٹھتا ہے
دل میں جو چور چھپا ہے اپنا

جون ایلیا

مجھ سے اس کو رہی تلاش امید
سو بہت دن چھپا رہا مجھ میں

جگر مراد آبادی

چہرے تک آستین وہ لا کر چلے گئے
کیا راز تھا کہ جس کو چھپا کر چلے گئے
دہائی ہے مرے اللہ کی دہائی ہے
کسی نے مجھ سے بھی مجھ کو چھپا کے لوٹ لیا

خواجہ میر درد

کس کی یہ موج حسن ہوئی جلوہ گر کہ یوں
دریا میں جو حباب تھے آنکھیں چھپا چلے
ہم بھی کچھ دیکھتے سمجھتے تھے
سب یکایک چھپا دیا کن نے

عبدالحمید عدم

ساغر شکن ہے شیخ بلا نوش کی نظر
شیشے کو زیرِ دامن رنگیں چھپا کے لا

قمر جلالوی

ہٹا کر رخ سے گیسو صبح کر دینا تو ممکن ہے
مگر سرکار کے بس میں نہیں تارے چھپا دینا
شبِ ہجر شمع گل ہے مجھے اس سے کیا تعلق
قمر آسماں کے تارے کہاں منہ چھپا گئے ہیں

شکیب جلالی

وہ سامنے تھا پھر بھی کہاں سامنا ہوا
رہتا ہے اپنے نور میں سورج چھپا ہوا

عرفان صدیقی

نرم جھونکے سے یہ اک زخم سا کیا لگتا ہے
اے ہوا، کچھ ترے دامن میں چھپا لگتا ہے