مرزا غالب

نفس نہ انجمن آرزو سے باہر کھینچ
اگر شراب نہیں انتظارِ ساغر کھینچ

باقی صدیقی

جلوہ، جلوے کے مقابل ہی رہا
تم نہ آئنے سے باہر آئے
باقیؔ یہ پھیلتے ہوئے رنگوں کے دائرے
باہر ہی باہر اڑتا ہے باہر کا آدمی

جون ایلیا

کوئی دم بھی میں کب اندر رہا ہوں
لیے ہیں سانس اور باہر رہا ہوں
سویرے ہی سے گھر آ جائیو آج
ہے روز واقعہ باہر نہ رہیو
نہ پوچھ اس کی جو اپنے اندر چھپا
غنیمت کہ میں اپنے باہر چھپا

خواجہ میر درد

ڈھونڈتے ہیں آپ سے اس کو پرے
شیخ صاحب چھوڑ گھر، باہر چلے

شکیب جلالی

کتنی رعنائیاں آباد ہیں میرے دل میں
اک خرابہ نظر آتا ہے مگر باہر سے

عرفان صدیقی

سچ تو یہ ہے دوستو‘ بے کار ہیں سارے حصار!
لوگ گھر میں لٹ گئے ‘ میں گھر کے باہر بچ گیا
ہر اک تصویر کو کھڑکی سے باہر کیسے پھینکو گے
نگاہوں سے جو چپکے ہیں وہ منظر کیسے پھینکو گے
روز وہ شخص صدا دے کے پلٹ جاتا ہے
میں بھی رہتا ہوں بہت جسم سے باہر اپنے

جمال احسانی

جو بیل میرے قد سے ہے اوپر لگی ہوئی
افسوس ہر بساط سے باہر لگی ہوئی
اس کی تپش نے اور بھی سلگا رکھا ہے کچھ
جو آگ ہے مکان سے باہر لگی ہوئی

رئیس فروغؔ

بیداری کا خواب لیے
نیند سے باہر جاؤں گا

عالم تاب تشنہ

ہر حال میں دیکھا ہے اسے ضبط کا پیکر
تشنہؔ کو کبھی ظرف سے باہر نہیں دیکھا

ماجد صدیقی

غم کی دہلیز نہ چھوڑی میں نے
میں نہ گھر سے کبھی باہر نکلا

رسا چغتائی

خواب میں آنے والا اک دن
خواب سے باہر آ سکتا ہے

اختر ہوشیارپوری

بجا کہ دشمن جاں شہر جاں کے باہر ہے
مگر میں اس کو کہوں کیا جو گھر کے اندر ہے

افضل منہاس

میں نے اپنی ہر مسرت دوسروں کو بخش دی
پھر یہ ہنگامہ بپا ہے گھر سے باہر کس لیے

احمد فراز

قیمت ہے ہر کسی کی دکاں پر لگی ہوئی
بکنے کو ایک بھیڑ ہے باہر لگی ہوئی
جو بھی درونِ دل ہے وہ باہر نہ آئے گا
اب آ گہی کا زہر زباں پر نہ آئے گا
پھر یوں ہوا کہ غیر کو دل سے لگا لیا
اندر وہ نفرتیں تھیں کہ باہر کے ہو گئے

اقبال ساجد

گو دہر کے نقشے میں ہیں باہر بھی نہیں ہم
رکھتے ہیں نشاں اور اجاگر بھی نہیں ہم

امیر مینائی

کہتے ہیں یہ اچھی ہے تڑپ دل کی تمھارے
سینے سے ٹرپ کر کبھی باہر نہیں آتا
ہم جس کی ہوس میں ہیں امیر آپ سے باہر
وہ پردہ نشین گھر سے باہر نہیں آتا

شاذ تمکنت

اے شاخ وفا پھر وہ پرندہ نہیں لوٹا
میں گھر میں تھا نکلا نہیں باہر کئی دن تک

محسن احسان

اپنے اندر سے جو باہر نکلے
خود نمائی کا سمندر نکلے

ناصر کاظمی

یہ کہہ کے چھیڑتی ہے ہمیں دل گرفتگی
گھبرا گئے ہیں آپ تو باہر ہی لے چلیں