مرزا غالب

نہ پوچھ وسعت مے خانۂِ جنوں غالب
جہاں یہ کاسۂِ گردوں ہے ایک خاک انداز
اے ترا غمزہ یک قلم انگیز
اے ترا ظلم سر بسر انداز
دست گاہ دیدۂِ خوں بار مجنوں دیکھنا
یک بیاباں جلوۂِ گل فرشِ پا انداز ہے

مصحفی غلام ہمدانی

کبک و طاؤس کو چلتا ہے تو ٹھہرا کے تو ہم
تیری رفتار کے انداز میں مر جاتے ہیں
وصل ہوتا نہیں، نہیں معلوم
خلل انداز کون ہے اپنا
آتا ہے کس انداز سے ٹک ناز تو دیکھو
کس دھج سے قدم پڑتا ہے انداز تو دیکھو
بچا گر ناز سے تو اس کو پھر انداز سے مارا
کوئی انداز سے مارا تو کوئی ناز سے مارا

مومن خان مومن

آنکھوں سے حیا ٹپکے ہے انداز تو دیکھو
ہے بو الہوسوں پر بھی ستم ناز تو دیکھو
بد کام کا مآل برا ہے جزا کے دن
حال سپہر تفرقہ انداز دیکھنا

فیض احمد فیض

تو ہے اور اک تغافل پیہم
میں ہوں اور انتظار بے انداز
کس حرف پہ تو نے گوشہء لب اے جانِ جہاں غماز کیا
اعلانِ جنوں دل والوں نے اب کے بہ ہزار انداز کیا
یوں سجا چاند کہ جھلکا ترے انداز کا رنگ
یوں فضا مہکی کہ بدلا مرے ہمراز کا رنگ

یگانہ چنگیزی

آنکھ دکھلانے لگا ہے وہ فسوں ساز مجھے
کہیں اب خاک نہ چھنوائے یہ انداز مجھے

باقی صدیقی

خار چن لے گا بہارِ ناز سے
ہم ہیں واقف قلب دشت انداز سے
نہ سہی ساز غم ساز تو ہے
زندگی کا کوئی انداز تو ہے
بن سکے سرخی روداد حیات
خونِ دل اتنا پس انداز تو ہے
کس کے نغمے ، کس کا ساز
دیکھ زمانے کے انداز

سراج الدین ظفر

دیکھیں جو کسی اور طرف بھی وہ سرِ بزم
مقصود نگاہِ غلط انداز ہمیں ہیں

قمر جلالوی

میں نے منزل کے لیے راہ بدل دی ورنہ
روک لے دیر جو کعبہ خلل انداز نہ ہو

الطاف حسین حالی

رنگ بدلا ہوا ہے عالم کا
ہیں دگرگوں زمانہ کے انداز
نا توانوں پہ گد ہیں منڈلاتے
کھئلوں پر ہیں حیز تیر انداز

رئیس فروغؔ

عشق وہ کار مسلسل ہے کہ ہم اپنے لیے
ایک لمحہ بھی پس انداز نہیں کر سکتے

اسرار الحق مجاز

حسن کو ناحق پشیماں کر دیا
اے جنوں یہ بھی کوئی انداز ہے

زہرا نگاہ

سفر خود رفتگی کا بھی عجب انداز تھا
کہیں پر راہ بھولے تھے نہ رک کر دم لیا تھا

عبید اللہ علیم

شاعر کی آنکھ کا وہ ستارہ ہوا علیمؔ
قامت میں جو قیامتی انداز سے اٹھا
نیند بھری آنکھوں سے چوما دیے نے سورج کو اور پھر
جیسے شام کو اب نہیں جلنا کھینچ لی اس انداز میں چپ

جوش ملیح آبادی

ساری دنیا ہے ایک پردۂ راز
اف رے تیرے حجاب کے انداز

شاد عظیم آبادی

اب بھی اک عمر پہ جینے کا نہ انداز آیا
زندگی چھوڑ دے پیچھا مرا میں باز آیا
پیتے پیتے تری اک عمر کٹی اس پر بھی
پینے والے تجھے پینے کا نہ انداز آیا
اس خرابے میں تو ہم دونوں ہیں یکساں ساقی
ہم کو پینے تجھے دینے کا نہ انداز آیا

عزیز حامد مدنی

جیسے دعائے نیم شبی کا سرود ہو
اک شور میکدے میں اس انداز سے اٹھا

فراق گورکھپوری

چشم مخمور کے عنوان نظر کچھ تو کھلیں
دلِ رنجور دھڑکنے کا کچھ انداز تو دے
راز الم سے ہے شاید کہ مرا راز جدا
مجھ سے ملنے میں ہے اس آنکھ کا انداز جدا
آہ و زاری سے کبھی سازِ محبت نہ چھڑا
غم کا انداز جدا عشق کا انداز جدا
نکہت زلفِ پریشاں داستان شامِ غم
صبح ہونے تک اسی انداز کی باتیں کرو
جو حیاتِ جاؤداں ہے جو ہے مرگِ ناگہاں
آج کچھ اس ناز اس انداز کی باتیں کرو

قتیل شفائی

حالات کی اجڑی محفل میں اب کوئی سلگتا ساز نہیں
نغمے تو لپکتے ہیں لیکن شعلوں سا کہیں انداز نہیں

ناصر کاظمی

ترا خیال بھی تیری طرح مکمل ہے
وہی شباب، وہی دلکشی، وہی انداز