فیض احمد فیض

نصیب آزمانے کے دن آ رہے ہیں
قریب ان کے آنے کے دن آ رہے ہیں
رنگِ پیرہن کا خوشبو، زلف لہرانے کا نام
موسمِ گل ہے تمہارے بام پر آنے کا نام

باقی صدیقی

ہے خبر گرم ان کے آنے کی
کون سنتا ہے اب زمانے کی
شفق کی آگ کہانی کوئی سنانے لگی
کسی کے خونکی بو راستوں سے آنے لگی
تھا جس خیال پہ قائم حیات کا ایواں
اسی خیال سے تلخی دلوں میں آنے لگی
میں اپنے دل کے بھنور سے نکل نہیں سکتا
تمہاری بات تو کچھ کچھ سمجھ میں آنے لگی
اے ابھرتی ہوئی موجوں سے الجھنے والو
ڈوب مرنا کہیں بہتر ہے پلٹ آنے سے
داغِ دل ہم کو یاد آنے لگے
لوگ اپنے دیے جلانے لگے
شام کا وقت ہو گیا باقیؔ
بستیوں سے شرار آنے لگے
خندہ گل کی حقیقت یہ کبھی ایک نظر
اے بہاروں کی طرح راہ میں آنے والے
ہر قدم پر ہے نیا ہنگامہ
ہوش میں ہم نہیں آنے پاتے
چل گیا ہے فسوں زمانے کا
اب تکلف کرو نہ آنے کا

جون ایلیا

یہ جہاں جونؔ اک جہنم ہے
یاں خدا بھی نہیں ہے آنے کا
عجیب ہے مری فطرت کہ آج ہی مثلاً
مجھے سکون ملا ہے ترے نہ آنے سے
کبھی کبھی تو بہت یاد آنے لگتے ہو
کہ روٹھتے ہو کبھی اور منانے لگتے ہو
شہر میں شور ہے وہ یوں کہ گماں کے سفری
اپنے ہی آپ میں آنے کے لیے نکلے ہیں

عبدالحمید عدم

عقل ہے بالمصلحت بے اعتمادی کی روش
عشق ہے بے ساختہ ایمان لے آنے کا نام

قمر جلالوی

ہم کو ہم خاک نشینوں کا خیال آنے تک
شہر تو شہر بدل جائیں گے ویرانے تک
باغباں فصلِ بہار آنے کا وعدہ تو قبول
اور اگر ہم نے رہے فصلِ بہار آنے تک
اے قمر شام کا وعدہ ہے وہ آتے ہوں گے
شام کہلاتی ہے تاروں کے نکل آنے تک
یہ بھی ہے کوئی عیادت دو گھڑی بیٹھے نہ وہ
حال پوچھا چل دیے گھر کر گئے آنے کا نام
یاد رکھیں گے تمھاری بزم میں آنے کو ہم
بیٹھنے کے واسطے اغیار اٹھ جانے کو ہم
حرم کی راہ کو نقصان بت خانے سے کیا ہو گا
خیالاتِ بشر میں انقلاب آنے سے کیا ہو گا
ارے کافر سمجھ لے انقلاب آنے سے کیا ہو گا
بنا کعبہ سے بت خانہ تو بت خانے سے کیا ہو گا

عرفان صدیقی

بساطِ رقص جو گردِ سفر بچھانے لگی
وہی جرس کی صدا پھر کہیں سے آنے لگی
رائیگاں ہو گئے لمحے ترے پاس آنے کے
دکھ ابھی تازہ ہیں اوروں سے بچھڑ جانے کے
ملی ہے جان تو اس پر نثار کیوں نہ کروں
تو اے بدن مرے رستے میں آنے والا کون

الطاف حسین حالی

تھا یہاں دل میں طعن وصلِ عدو
عذر ان کی زباں پہ آنے لگے

جمال احسانی

دل کی طرف دماغ سے وہ آنے والا ہے
یہ بھی مکان ہاتھ سے اب جانے والا ہے

اختر شیرانی

وعدہ اس ماہرو کے آنے کا
یہ نصیبا سیاہ خانے کا

بیان میرٹھی

یاد میں خواب میں تصور میں
آ کہ آنے کے ہیں ہزار طریق

ماجد صدیقی

دھوپ میں جھلسا ہوں میں کچھ دیر سستانے تو دو
پوچھنا حالِ سفر بھی ہوش میں آنے تو دو
جز ادائے سجدۂ بے چارگی کر لے گا کیا
موجۂ سیلاب کو دہلیز تک آنے تو دو

جلیل مانک پوری

کیا حنا خوں ریز نکلی ہائے پس جانے کے بعد
بن گئی تلوار ان کے ہاتھ میں آنے کے بعد
شکریہ واعظ جو مجھ کو ترک مے کی دی صلاح
غور میں اس پر کروں گا ہوش میں آنے کے بعد

حفیظ جالندھری

آخری امید وقتِ نزع ان کی دید تھی
موت کو بھی مل گیا فقرہ نہ آنے کے لیے

سیماب اکبر آبادی

یہ ہے سیمابؔ اک ناگفتہ بہ افسانہ کیا کہیے
وطن سے کنج غربت میں چلے آنے پہ کیا گزری

شاد عظیم آبادی

ہائے پروانے کا وہ جلنا وہ رونا شمع کا
میں نے روکا ورنہ کیا آنسو نکل آنے میں تھا

فانی بدایونی

قسم نہ کھاؤ تغافل سے باز آنے کی
کہ دل میں اب نہیں طاقت ستائے جانے کی

احمد فراز

صبح دم چھوڑ گیا نکہتِ گل کی صورت
رات کو غنچۂ دل میں سمٹ آنے والا
تیرے ہوتے ہوئے آ جاتی تھی ساری دنیا
آج تنہا ہوں تو کوئی نہیں آنے والا
منتظر کس کا ہوں ٹوٹی ہوئی دہلیز پہ میں
کون آئے گا یہاں کون ہے آنے والا
یہی ناصح جو ہمیں تجھ سے نہ ملنے کو کہیں
تجھ کو دیکھیں تو تجھے دیکھنے آنے لگ جائیں
ساقیا مسجد و مکتب تو نہیں مے خانہ
دیکھنا پھر بھی غلط لوگ نہ آنے لگ جائیں

اقبال ساجد

تم مجھے بھی کانچ کی پوشاک پہنانے لگے
میں جسے دیکھوں وہی پتھر نظر آنے لگے
کچھ نہیں ہے ذہن میں تو وہم کی شکلیں بنا
روشنی ہو گی اگر سائے نظر آنے لگے

شاذ تمکنت

ہم نے کیا جانیے کیا سوچ کے گلشن چھوڑا
فصلِ گل دیر ہی کیا تھی ترے آنے کے لیے
میں تو چپ تھا مگر اس نے بھی سنانے نہ دیا
غمِ دنیا کا کوئی ذکر تک آنے نہ دیا

فراق گورکھپوری

جنوں سے بھول ہوئی دل پہ چوٹ کھانے میں
فراقؔ دیر ابھی تھی بہار آنے میں
وہ چپ چاپ آنسو بہانے کی راتیں
وہ اک شخص کے یاد آنے کی راتیں
مجھے یاد ہے تیری ہر صبحِ رخصت
مجھے یاد ہیں تیرے آنے کی راتیں
سرِ شام سے رتجگا کے وہ ساماں
وہ پچھلے پہر نیند آنے کی راتیں
بے ٹھکانے ہے دل غمگیں ٹھکانے کی کہو
شامِ ہجراں دوستو کچھ اس کے آنے کی کہو

محبوب خزاں

ناز و اندازِ دل دکھانے لگے
اب وہ فتنے سمجھ میں آنے لگے

ناصر کاظمی

وہ صبح آتے آتے رہ گئی کہاں
جو قافلے تھے آنے والے کیا ہوئے

نوح ناروی

شکرِ خدا کا ہم کرتے ہیں
کام آیا کام آنے والا
جان مری ہے جانے والی
دل ہے ان پر آنے والا