مرزا غالب

یک نظر بیش نہیں فرصتِ ہستی غافل !
گرمی بزم ہے اک رقصِ شرر ہونے تک

انشاء اللہ خان انشا

چھیڑ چھاڑ اپنے اڑا کون سکے اے قبلہ
برق سے دام کوئی مشت شرر لیتا ہے

شیخ ابراہیم ذوق

اف گرمی وحشت کہ مری ٹھوکروں ہی میں
پتھر ہیں پہاڑوں کے اڑے جاتے شرر سے
یہ آرزو ہے جہنم کو بھی کہ آتش عشق
مجھے نہ شعلہ گر اپنا کہے شرر تو کہے
وہ دل کہ جس میں سوزِ محبت نہ ہووے ذوقؔ
بہتر ہے سنگ اس سے کہ اس میں شرر تو ہے

مومن خان مومن

ذرا ہو گرمیِ صحبت تو خاک کر دے چرخ
مرا سرور ہے گل‌‌ خندۂِ شرر کا سا

باقی صدیقی

کچھ تعلق صبا سے ہے باقیؔ
دل کے دامن میں اک شررِ ہے ابھی
شبنم! تیرے ان آئنہ خانوں کی خیر ہو
میرے چمن کو برق و شرر کی تلاش ہے
دامن لالۂ گل سے باقیؔ
مل سکے جتنے شرر لے آئے

خواجہ میر درد

کرے ہے کچھ سے کچھ تاثیر صحبت صاف طبعوں کی
ہوئی آتش سے گل کی بیٹھتے رشک شرر شبنم

سراج الدین ظفر

دیکھیے پھر کیا دمکتے ہیں گل اندامان شہر
اک ذرا ان میں محبت کا شرر رکھ دیجیے

شکیب جلالی

اس خاکداں میں اب تک باقی ہیں کچھ شررسے
دامن بچا کے گزرو‘ یادوں کی رہ گزر سے

عرفان صدیقی

مٹی بھی نذر حسرتِ تعمیر ہو گئی
گھر میں سوائے برق و شرر کچھ نہیں بچا
وہ سب اک بجھنے والے شعلۂ جاں کا تماشا تھا
دو بارہ ہو وہی رقصِ شرر ایسا نہیں ہو گا
ایک دن اس لمس کے اسرار کھلنا جسم پر
ایک شب اس خاک میں برق و شرر کا جاگنا
اپنی ہی آگ سے روشن ہوں میں اک ذرۂ خاک
دیکھئے رقصِ شرر ختم کہاں ہوتا ہے
پرند لوٹ بھی آئیں خلاء سے شاخوں پر
کہ فصلِ برق و شرر آتی جاتی رہتی ہے

ادا جعفری

نگاہ اوٹ رہوں کاسۂ خبر میں رہوں
میں بجھتے بجھتے بھی پیراہن شرر میں رہوں

اسرار الحق مجاز

دل سوز آشنا کے جلوے تھے جو منتشر ہو کر
فضائے دہر میں چمکا کیے برق و شرر ہو کر

ضیا جالندھری

کچھ حوصلۂ ضبط ہے کچھ وضع ہے اپنی
شعلہ نہ بنا لب پہ جو سینے میں شررِ ہے

علی سردار جعفری

خون سر بہہ گیا موت آ گئی دیوانوں کو
بارشِ سنگ سے طوفان شرر سے پہلے
یہ زندگی بھی کوئی زندگی ہے ہم نفسو
ستارہ بن کے جلے بجھ گئے شرر کی طرح
افلاک بجائیں گے ساز اپنے ستاروں کا
گائیں گے بہت لمحے انفاس شرر لے کر

ماجد صدیقی

ہے ایک ہی رنگ، درد جاں کا
ماجدؔ نم چشم سے شرر تک

سید ضمیر جعفری

زندگی صدیوں کا حاصل زندگی صدیوں کا روپ
زندگی جو چشمک برق و شرر کی بات ہے

سیماب اکبر آبادی

سازش بقدر ربط تھی طور و جمال میں
سمجھا ہوں آج عقدۂ سنگ شرر کو میں

امیر مینائی

تیغ گردن پہ کہ ہے سنگ پر آہیں دمِ ذبح
خون کے قطرے نکلتے ہیں شرر کی صورت
پڑ گئیں کچھ جو مرے گرم لہو کی چھینٹیں
اڑ گئی جوہرِ شمشیر شرر کی صورت

فراق گورکھپوری

اسی شام مرگ کی تیرگی میں ہیں جلوہ ہائے حیات بھی
انہیں ظلمتوں کے حجاب میں یہ چمک یہ رقصِ شرر بھی ہے

محسن احسان

شعلۂ درد لیے دل زدگاں نکلے ہیں
اب کوئی آگ نئی برق و شرر میں رکھیے