مرزا غالب

وہ نالہِ دل میں خس کے برابر جگہ نہ پائے
جس نالے سے شگاف پڑے آفتاب میں
رفتارِ عمر قطعِ رہ اضطراب ہے
اس سال کے حساب کو برق آفتاب ہے

امام بخش ناسخ

کیا ہے داغ نے کیوں اس کو منزل خورشید
ہمارا دل ہے یہ کچھ برج آفتاب نہیں
دلا ہے موسم پیری محل جامِ شراب
بغیر صبح کوئی وقت آفتاب نہیں
آج ذرے کو آفتاب ملا
کہ مجھے ساغرِ شراب ملا
کہتے ہیں صبح دم وہ دیکھ کے منہ
جائے آئینہ آفتاب ملا

انشاء اللہ خان انشا

مجھے کیوں نہ آوے ساقی نظر آفتاب الٹا
کہ پڑا ہے آج خم میں قدح شراب الٹا
گاہ کہتے ہیں شام ہوئی ابھی
ذرۂِ آفتاب باقی ہے

بہادر شاہ ظفر

رخ جو زیر سنبل پر پیچ و تاب آ جائے گا
پھر کے برج سنبلہ میں آفتاب آ جائے گا

حیدر علی آتش

بچھوائیے نہ چاندنی میں بام پر پلنگ
منحوس ہے قران مہ و آفتاب کا
حسن و جمال سے ہے زمانے میں روشنی
شبِ ماہتاب کی ہے تو روز آفتاب کا
آتشؔ شبِ فراق میں پوچھوں گا ماہ سے
یہ داغ ہے دیا ہوا کس آفتاب کا
چمن میں شب کو جو وہ شوخ بے نقاب آیا
یقین ہو گیا شبنم کو آفتاب آیا

مصحفی غلام ہمدانی

جو پھرا کے اس نے منہ کو بہ قفا نقاب الٹا
ادھر آسمان الٹا ادھر آفتاب الٹا
جو علی کا حکم نافذ نہ فلک پہ تھا تو پھر کیوں
بہ گہہ غروب آیا نکل آفتاب الٹا
ہے ماہ کہ آفتاب کیا ہے
دیکھو تو تہ نقاب کیا ہے
ترے آگے مہر تاباں ہے زمیں پہ سر بہ سجدہ
یہ ورق کا گنجفے کے نہیں آفتاب الٹا
ہر اک تجھے آپ سا کہے ہے
قضیہ مہ و آفتاب میں ہے
رخ زلف میں بے نقاب دیکھا
میں تیرہ شب آفتاب دیکھا
سرِ شام اس نے منہ سے جو رخ نقاب الٹا
نہ غروب ہونے پایا وہیں آفتاب الٹا
یہ خستہ چشمِ وا ہے ترے انتظار میں
اے صبح منہ دکھا کہیں اے آفتاب آ
اس نے بھر کر نگاہ دیکھا تھا
نہیں اس دن سے آفتاب میں جان

مصطفٰی خان شیفتہ

وہ قطرہ ہوں کہ موجۂِ دریا میں گم ہوا
وہ سایہ ہوں کہ محو ہوا آفتاب میں