باقی صدیقی

مری بربادیوں کا پوچھنا کیا
تری نظروں کی قیمت بڑھ گئی ہے

جون ایلیا

مجھے اب تم سے ڈر لگنے لگا ہے
تمہیں مجھ سے محبت ہو گئی کیا
شکست اعتماد ذات کے وقت
قیامت آ رہی تھی آ گئی کیا
یہ ربط بے شکایت اور یہ میں
جو شے سینے میں تھی وہ بجھ گئی کیا
یہ ربط بے شکایت اور یہ میں
جو شے سینے میں تھی وہ بجھ گئی کیا
نہیں ہے اب مجھے تم پر بھروسا
تمہیں مجھ سے محبت ہو گئی کیا
شکست اعتماد ذات کے وقت
قیامت آ رہی تھی آ گئی کیا
دل میں اب سوز انتظار نہیں
شمعِ امید بجھ گئی ہو کیا

ادا جعفری

تم پاس نہیں ہو تو عجب حال ہے دل کا
یوں جیسے میں کچھ رکھ کے کہیں بھول گئی ہوں

بشیر بدر

وہ صورت گرد غم میں چھپ گئی ہو
بہت ممکن یہ وہ ہی آدمی ہو
یہ شب جیسے کوئی بے ماں کی بچی
اکیلے روتے روتے سو گئی ہو

زہرا نگاہ

جگنوؤں کے سے لمحے اڑتے تھے
میری مٹھی میں آ گئی کل رات

ماجد صدیقی

دشوار نہ تھی کچھ ایسی رہ بھی
کیوں سانس اکھڑ اکھڑ گئی ہے
رستے میں جو شام پڑ گئی ہے
ہاں مرحلہ یہ بھی دیدنی ہے
یوں ہوا ہے کہ ذکر سے تیرے
تیرے پیکر میں ڈھل گئی آواز

حسرت موہانی

یاد ہر حال میں رہے وہ مجھے
الغرض بات رہ گئی دل کی
ان سے کچھ تو ملا وہ غم ہی سہی
آبرو کچھ تو رہ گئی دل کی
وہ جو بگڑے رقیب سے حسرتؔ
اور بھی بات بن گئی دل کی

سیماب اکبر آبادی

تجھے دانستہ محفل میں جو دیکھا ہو تو مجرم ہوں
نظر آخر نظر ہے بے ارادہ اٹھ گئی ہو گی
تعجب کیا لگی جو آگ اے سیمابؔ سینے میں
ہزاروں دل میں انگارے بھرے تھے لگ گئی ہو گی
تعجب کیا لگے گر آگ اے سیمابؔ سینے میں
ہزاروں دل میں انگارے بھرے تھے لگ گئی ہو گی

اختر ہوشیارپوری

میں اپنی ذات کی تشریح کرتا پھرتا تھا
نہ جانے پھر کہاں آواز کھو گئی میری

احمد فراز

تیرے قامت سے بھی لپٹی ہے امر بیل کوئی
میری چاہت کو بھی دنیا کی نظر کھا گئی دوست
اب بھی آئے ہو تو احسان تمہارا لیکن
وہ قیامت جو گزرنی تھی گزر بھی گئی دوست
تیرے لہجے کی تھکن میں ترا دل شامل ہے
ایسا لگتا ہے جدائی کی گھڑی آ گئی دوست
بارشِ سنگ کا موسم ہے مرے شہر میں تو
تو یہ شیشے سا بدن لے کے کہاں آ گئی دوست

محبوب خزاں

تھکن ہے جاں فزا سی برستی ہے اداسی
ستارے کہہ رہے ہیں کہ منزل آ گئی ہے

ناصر کاظمی

دن ڈھلا رات پھر آ گئی سو رہو سو رہو
منزلوں چھا گئی خامشی سو رہو سو رہو
گرم سنسان قریوں کی دھرتی مہکنے لگی
خاک رشکِ ارم بن گئی سو رہو سو رہو
تھک گئے ناقہ و سارباں تھم گئے کارواں
گھنٹیوں کی صدا سو گئی سو رہو سو رہو
وہ شاعروں کا شہر وہ لاہور بجھ گیا
اگتے تھے جس میں شعر وہ کھیتی ہی جل گئی
میٹھے تھے جن کے پھل وہ شجر کٹ کٹا گئے
ٹھنڈی تھی جس کی چھاؤں وہ دیوار گر گئی
اے روشنی دیدہ و دل اب نظر بھی آ
دنیا ترے فراق میں اندھیر ہو گئی
اب تو آنکھ لگا لے ناصر
دیکھ تو کتنی رات گئی ہے
میں تو ہلکان ہو گیا ناصر
مدتِ ہجر کتنی پھیل گئی
گا رہا تھا کوئی درختوں میں
رات نیند آ گئی درختوں میں
چاند نکلا افق کے غاروں سے
آگ سی لگ گئی درختوں میں
چلتے چلتے ڈگر اجالوں کی
جانے کیوں مڑ گئی درختوں میں
تری ہنسی کے گلابوں کو کوئی چھو نہ سکا
صبا بھی چند قدم ہی گئی پلٹ آئی